Posts published by “Müşfiq ƏLƏSGƏRLİ”

Beynəlxalq media eksperti, Jurnalistlərin Həmkarlar İttifaqının (JuHİ) sədri, 2008-ci ildən bu günə kimi MŞ İdarə Heyətinin üzvü, həmçinin sədr müavinidir. Azərbaycan Respublikasının Prezidenti İlham Əliyevin sərəncamları ilə 2009 və 2013-cü illərdə Azərbaycan Respublikasının Prezidenti yanında KİVDF-nin Müşahidə Şurasının üzvü təyin edilib. 1999-2020-ci illər aralığında Amerika Birləşmiş Ştatları, Belçika, Fransa, Çexiya, Polşa, Almaniya və digər Qərb ölkələrində media üzrə seminar, təlim və kursların dinləyicisi olub, beynəlxalq media eksperti statusu alıb. Beynəlxalq Jurnalistlər Federasiyası (IFJ), Avropa Şurası, Almaniya Beynəxalq Əməkdaşlıq Cəmiyyətinin (GIZ) proqramları çərçivəsində həm Azərbaycanda, həm də qonşu ölkələrdə təlimçi, ekspert qismində çıxış edir. Avropa Şurasının layihəsi çərçivəsində hazırladığı “Mediada gender bərabərliyi” vəsaiti qurumun saytında yerləşdirib, xarici dillərə tərcümə edilib, istifadəsi tövsiyə olunub. Bundan əlavə, media problemlərinə həsr edilmiş 4 kitabın müəllifidir. IFJ və Avropa Jurnalistlər Federasiyasının (EFJ) üzvü, Azərbaycan üzrə təmsilçisidir.