Həbsdə olan vəkilin vəziyyəti ağırdır

Yazar: Aysel Həsrət. Tarix: 23 Aprel 2025 10:16

Tahir Nəqəvi

BAYRAQDAR MEDİA – Güney Azərbaycanlı vəkil Tahir Nəqəvi 2 il öncə təhlükəsizlik qüvvələri tərəfindən həbs edilib və Kəşfiyyat Nazirliyinin təcridxanasında aylarla davam edən sorğu-sual, işgəncə və təkadamlıq kamerada saxlanıldıqdan sonra bədnam Evin həbsxanasına köçürülüb.

Xəbəri “Azad İran” Telegram kanalı yayımlayıb.

Xəbərə əsasən, “hazırda o, “rejim əleyhinə toplaşmaq və sövdələşmə” ittihamı ilə beş illik cəzasının on dördüncü ayını çəkir”.

Bildirilib ki, “fiziki vəziyyətinin ağır olmasına və həbsxanadan kənar xüsusi şəraitdə cərrahiyyə əməliyyatına ehtiyac olmasına baxmayaraq, təhlükəsizlik və məhkəmə orqanları onun müalicəsinə və tibb mərkəzlərinə göndərilməsinə qarşı çıxmaqda davam edir və vəkilin həyatını ciddi riskə atırlar”.

Bölmə: GÜNEY AZƏRBAYCAN

Aysel Həsrət

BAYRAQDAR MEDİA-nın inzibatçı-müxbiri Aysel HƏSRƏT 09 oktyabr 2001-ci ildə Bakı şəhərində anadan olub. 2018-ci ildə Bakıdakı 204 saylı tam orta məktəbi bitirib, eyni ildə universitetə qəbul olunub. 4 illik bakalavr təhsilini başa vurduqdan sonra, 2022-2024-cü illərdə Türkiyənin Eskişehir Osmangazi Universitetində MBA ixtisası üzrə təhsil alıb. 2014-2024-cü illər aralığında Canlı Aləmin Mühafizəsi Alyansı, Azərbaycan Tələbə Gənclər Təşkilatları İttifaqı, Bakı Gənclər Mərkəzi, ASAN xidmət, COP 29-da həm könüllülük fəaliyyəti ilə məşğul olub, həm də praktika keçib. İngilis, rus və türk dillərini bilir. Müxtəlif beynəlxalq tədbirlərdə tərcüməçiliklə də məşğul olub.

Yazarın başqa yazıları: Aysel Həsrət

Bölmənin başqa yazıları: GÜNEY AZƏRBAYCANGÜNEY AZƏRBAYCAN bölməsinin başqa yazıları »