Uğurlarla zəngin 4 il

Fariz Əkbərov: Agentliyin ötən müddət ərzində göstərdiyi fəaliyyətlər, sosial sahələrdəki rolu və cəmiyyətə verdiyi töhfələr çox qiymətlidir

BAYRAQDAR MEDİA – “Qeyri-Hökumət Təşkilatlarına Dövlət Dəstəyi Agentliyinin 4 yaşının tamamlaması, ölkədəki QHT sektorunun güclənməsi və sosial məsələlərə dair təşəbbüslərin dəstəklənməsi baxımından mühüm bir hadisədir. Ümumiyyətlə ötən 4 il Agentlik üçün uğurlarla zəngin olub”.

Bunu BAYRAQDAR MEDİA-ya özəl açıqlamasında Hüquqi-Sosial Yardım və Maarifləndirmə İctimai Birliyin sədri Fariz Əkbərov deyib.

Onun sözlərinə görə, Qeyri-Hökumət Təşkilatlarına Dövlət Dəstəyi Agentliyi ötən 4 ildə cəmiyyətin müxtəlif təbəqələrinin, o cümlədən əlilliyi olan insanlar, qadınlar, gənclər və digər zəif qrupların həyat şəraitini yaxşılaşdırmaq üçün layihələr həyata keçirib: “Agentlik, həmçinin cəmiyyətin sosial problemlərinə yönəlmiş çoxsaylı layihələrə dəstək verir. Bu, Azərbaycan cəmiyyətinin hər bir üzvünün inkişafına töhfə verir.
Müxtəlif beynəlxalq platformalarda təcrübə mübadiləsi aparır. QHT-lərinin dünya səhnəsində daha çox tanınmasına kömək edir”.

Fariz Əkbərov deyib ki, eyni zamanda Agentlik, gənclərin cəmiyyətdə daha fəal olmaları üçün xüsusi proqramlar həyata keçirir: “Bu proqramlar, gəncləri sosial layihələrə, könüllü fəaliyyətlərə və QHT-lərin müxtəlif təşəbbüslərinə cəlb edir. Bu da gənclərin daha məsuliyyətli və müsbət dəyişikliklərə səbəb olmasını təşviq edir. Qeyri-Hökumət Təşkilatlarına Dövlət Dəstəyi Agentliyinin 4 yaşını təbrik edirəm! Bu müddət ərzində göstərdiyi fəaliyyətlər, sosial sahələrdəki rolu və cəmiyyətə verdiyi töhfələr çox qiymətlidir. Agentliyin gələcəkdə də uğurlarının davam etməsini arzu edirəm”.