İran Prezidenti Azərbaycana gəlir

Yazar: Aysel Həsrət. Tarix: 18 Aprel 2025 16:33

Məsud Pezeşkian

BAYRAQDAR MEDİA – İran Prezidenti Məsud Pezeşkian aprelin 28-də Azərbaycana səfər edəcək.

Xəbəri “Azad İran” Telegram kanalı yayımlayıb.

İranın Ticarət, Sənaye, Mədənlər və Kənd Təsərrüfatı Palatasının sədr müavini Hüseyn Pirmüəzzin bununla bağlı açıqlama verərək bildirib ki, “İran Prezidentinin Azərbaycana səfərində 120 nəfərdən ibarət heyətdə özəl sektorun nümayəndələri, İran-Azərbaycan parlamentlərarası dostluq qrupunun nümayəndələri və İranın şimal-qərbində yerləşən 4 əyalətin valisi yer alacaq”.

Qeyd edilib ki, “səfər çərçivəsində iqtisadi əməkdaşlığın inkişaf etdirilməsi və özəl sektor nümayəndələrinin növbəti səfərlərinin planlaşdırılması nəzərdə tutulur”.

Bölmə: XƏBƏRLƏR

Aysel Həsrət

BAYRAQDAR MEDİA-nın inzibatçı-müxbiri Aysel HƏSRƏT 09 oktyabr 2001-ci ildə Bakı şəhərində anadan olub. 2018-ci ildə Bakıdakı 204 saylı tam orta məktəbi bitirib, eyni ildə universitetə qəbul olunub. 4 illik bakalavr təhsilini başa vurduqdan sonra, 2022-2024-cü illərdə Türkiyənin Eskişehir Osmangazi Universitetində MBA ixtisası üzrə təhsil alıb. 2014-2024-cü illər aralığında Canlı Aləmin Mühafizəsi Alyansı, Azərbaycan Tələbə Gənclər Təşkilatları İttifaqı, Bakı Gənclər Mərkəzi, ASAN xidmət, COP 29-da həm könüllülük fəaliyyəti ilə məşğul olub, həm də praktika keçib. İngilis, rus və türk dillərini bilir. Müxtəlif beynəlxalq tədbirlərdə tərcüməçiliklə də məşğul olub.

Yazarın başqa yazıları: Aysel Həsrət

Bölmənin başqa yazıları: XƏBƏRLƏRXƏBƏRLƏR bölməsinin başqa yazıları »