“ÜstArt” sərgisinin açılışı olub

Yazar: Röya İsrafil. Tarix: 16 Aprel 2025 10:52

“ÜstArt” sərgisi

BAYRAQDAR MEDİA – Aprelin 15-də Müasir İncəsənət Mərkəzində Azərbaycan Rəssamlar İttifaqının təşkilatçılığı ilə təsviri sənət həftəsi çərçivəsində “ÜstArt” sərgisinin açılışı keçirilib.

Sərgidə Rəssamlar İttifaqının sədri Xalq rəssamı Fərhad Xəlilov çıxış edərək sərgi haqqında məlumat verib. O, çıxışında təsviri sənətin incəliklərindən bəhs edib. Həmçinin Xalq rəssamı sərgi haqqında danışarkən sözügedən sərgi çərçivəsində müxtəlif müsabiqələr, təqdimatlar, musiqi nümunələrinin də nümayiş olunacağını diqqətə çatdırıb.

Bildirək ki, mədəniyyət nazirinin də iştirak etdiyi sərgidə 50 dən çox tanınmış rəssamların rəsm əsərləri nümayiş olunur.

Qeyd edək ki, sərgi aprelin 22-dək davam edəcək.

Bölmə: MƏDƏNİYYƏT

Röya İsrafil

Röya İsrafil 16 may 1991-ci ildə Saatlı rayonunda anadan olub. 2011-2015-ci illərdə Bakı Qızlar Universitetinin Jurnalistika fakültəsində təhsil alıb. Müxtəlif illərdə Dialoq TV, Yeni media, Agro TV, Qəbələ TV və s. internet kanallarında xəbərlər buraxılışının aparıcısı, MZ Production-ın layihəsi olan “Müasir Azərbaycan Gənci” (MAG) proqramında müxbir kimi işləyib. Həmçinin AzTV-nin nəzdində fəaliyyət göstərən Teleradio Akademiyasında təhsil alıb. 2017-ci ildən AMEA Mərkəzi Elmi Kitabxanasının İctimaiyyətlə əlaqələr və informasiya şöbəsində işləyir.

Yazarın başqa yazıları: Röya İsrafil

Bölmənin başqa yazıları: MƏDƏNİYYƏTMƏDƏNİYYƏT bölməsinin başqa yazıları »