Güney Azərbaycanda blogerlər həbs edildi

Yazar: Aysel Həsrət. Tarix: 16 Aprel 2025 19:25

BAYRAQDAR MEDİA – Aprelin 16-da Ərdəbil şəhərində bir neçə bloger saxlanılıb. Bu barədə Ərdəbilin İnqilab Prokurorluğunun müavini Murtaza Tahirifərd xəbər verib.

Xəbəri “Azad İran” Telegram kanalı Güney Azərbaycan Demokratik Türk Birliyinə istinadla yayımlayıb.

Xəbərə əsasən, “saxlanılan şəxslərin “uyğunsuz və nalayiq paylaşımlar hazırlamaqla hüquqi və etik standartları pozduqları” iddia edilib. Eyni zamanda, onlar barəsində cinayət işinin açıldığı vurğulanıb”.

Bildirilib ki, “Murtaza Tahirifərd tutulan blogerlərin sosial media hesablarının bağlandığını qeyd edib. Saxlanılanların kimliyi, sayı və harada olmaları isə bəlli deyil”.

Bölmə: GÜNEY AZƏRBAYCAN

Aysel Həsrət

BAYRAQDAR MEDİA-nın inzibatçı-müxbiri Aysel HƏSRƏT 09 oktyabr 2001-ci ildə Bakı şəhərində anadan olub. 2018-ci ildə Bakıdakı 204 saylı tam orta məktəbi bitirib, eyni ildə universitetə qəbul olunub. 4 illik bakalavr təhsilini başa vurduqdan sonra, 2022-2024-cü illərdə Türkiyənin Eskişehir Osmangazi Universitetində MBA ixtisası üzrə təhsil alıb. 2014-2024-cü illər aralığında Canlı Aləmin Mühafizəsi Alyansı, Azərbaycan Tələbə Gənclər Təşkilatları İttifaqı, Bakı Gənclər Mərkəzi, ASAN xidmət, COP 29-da həm könüllülük fəaliyyəti ilə məşğul olub, həm də praktika keçib. İngilis, rus və türk dillərini bilir. Müxtəlif beynəlxalq tədbirlərdə tərcüməçiliklə də məşğul olub.

Yazarın başqa yazıları: Aysel Həsrət

Bölmənin başqa yazıları: GÜNEY AZƏRBAYCANGÜNEY AZƏRBAYCAN bölməsinin başqa yazıları »