BAYRAQDAR MEDİA – Aprelin 13-də Dövlət İmtahan Mərkəzi tərəfindən keçirilən ümumi (9 illik) orta təhsil səviyyəsi üzrə buraxılış imtahanında 60 nəfər sağlamlıq imkanları məhdud (gözdən əlil, serebral iflic, eşitmə əngəlli və digər) şagird də iştirak edib.
Bu barədə Dövlət İmtahan Mərkəzinin məlumatında qeyd edilib.
Məlumata görə, onların rahat şəkildə imtahan verməsi üçün imtahan binalarında xüsusi zallar ayrılıb: “Orqanizmin funksiyalarının 81-100 faiz pozulmasına görə gözdən əlilliyi müəyyən edilmiş şəxslərə isə fərdi nəzarətçilər təyin edilib. Hərəkət məhdudiyyətli şagirdlərin bina və zala daxil olması və hərəkəti üçün də şərait yaradılıb. Bundan əlavə, sağlamlıq imkanları məhdud iştirakçılar üçün ayrılan nəzarətçilərlə xüsusi təlim keçirilib”.
İlk şərhi yaza bilərsiniz