Aclıq aksiyası keçirən fəal xəstəxanaya aparıldı

Yazar: Aysel Həsrət. Tarix: 10 Aprel 2025 10:51

Əbdüləziz Əzimi Qədim

BAYRAQDAR MEDİA – Bədnam Evin zindanında saxlanılan Güney Azərbaycanlı milli fəal və din xadimi Əbdüləziz Əzimi Qədim 37 günlük aclıq aksiyasından sonra sağlamlıq durumunun pisləşməsi səbəbindən xəstəxanaya köçürülüb.

Xəbəri “Azad İran” Telegram kanalı Güney Azərbaycan Demokratik Türk Birliyinə istinadla yayımlayıb.

Bildirilib ki, “hələlik milli fəalın durumu ilə bağlı məlumat yoxdur. Bu da onun ailəsinin narahatlığına səbəb olub. Əbdüləziz Əzimi Qədim aclıq aksiyasından sonra təxminən 20 kilo arıqlayıb və təzyiqi aşağı olduğu üçün dəfələrlə həbsxananın tibb məntəqəsinə aparılsa da, dərman qəbul etməkdən imtina edib”.

Bölmə: GÜNEY AZƏRBAYCAN

Aysel Həsrət

BAYRAQDAR MEDİA-nın inzibatçı-müxbiri Aysel HƏSRƏT 09 oktyabr 2001-ci ildə Bakı şəhərində anadan olub. 2018-ci ildə Bakıdakı 204 saylı tam orta məktəbi bitirib, eyni ildə universitetə qəbul olunub. 4 illik bakalavr təhsilini başa vurduqdan sonra, 2022-2024-cü illərdə Türkiyənin Eskişehir Osmangazi Universitetində MBA ixtisası üzrə təhsil alıb. 2014-2024-cü illər aralığında Canlı Aləmin Mühafizəsi Alyansı, Azərbaycan Tələbə Gənclər Təşkilatları İttifaqı, Bakı Gənclər Mərkəzi, ASAN xidmət, COP 29-da həm könüllülük fəaliyyəti ilə məşğul olub, həm də praktika keçib. İngilis, rus və türk dillərini bilir. Müxtəlif beynəlxalq tədbirlərdə tərcüməçiliklə də məşğul olub.

Yazarın başqa yazıları: Aysel Həsrət

Bölmənin başqa yazıları: GÜNEY AZƏRBAYCANGÜNEY AZƏRBAYCAN bölməsinin başqa yazıları »