Traktor tərəfdarları döyülərək həbs edilib

Yazar: Aysel Həsrət. Tarix: 8 Aprel 2025 19:25

BAYRAQDAR MEDİA – Aprelin 4-də Azərbaycan təmsilçisi Traktor futbol klubunun Tehranın İstiqlal komandasına qarşı qazandığı qələbədən sonra, Təbrizdə qələbəni qeyd edən bir qrup tərəfdara xüsusi təyinatlı qüvvələr müdaxilə edib.

Xəbəri “ArazNews” Telegram kanalı yayıb.

Xəbərə əsasən, “yerli mənbələrin verdiyi məlumata görə, Təbrizin Elgölü parkında toplaşan gənclərə qarşı xüsusi qüvvələr kobud davranıb, onlara qarşı söyüş və fiziki zorakılıq tətbiq edib. Nəticədə bir neçə nəfər saxlanılaraq Təbriz Mərkəzi Həbsxanasına aparılıb”.

Bildirilib ki, “saxlanılan şəxslərdən üçünün kimliyi müəyyən edilib: Siyamək Əzizzadə, Əmir Əzizzadə və Hamid Nəvidi. Ə.Əzizzadə zaminə buraxılıb, lakin digər iki şəxsin taleyi hələlik naməlum olaraq qalır”.

Bölmə: GÜNEY AZƏRBAYCAN

Aysel Həsrət

BAYRAQDAR MEDİA-nın inzibatçı-müxbiri Aysel HƏSRƏT 09 oktyabr 2001-ci ildə Bakı şəhərində anadan olub. 2018-ci ildə Bakıdakı 204 saylı tam orta məktəbi bitirib, eyni ildə universitetə qəbul olunub. 4 illik bakalavr təhsilini başa vurduqdan sonra, 2022-2024-cü illərdə Türkiyənin Eskişehir Osmangazi Universitetində MBA ixtisası üzrə təhsil alıb. 2014-2024-cü illər aralığında Canlı Aləmin Mühafizəsi Alyansı, Azərbaycan Tələbə Gənclər Təşkilatları İttifaqı, Bakı Gənclər Mərkəzi, ASAN xidmət, COP 29-da həm könüllülük fəaliyyəti ilə məşğul olub, həm də praktika keçib. İngilis, rus və türk dillərini bilir. Müxtəlif beynəlxalq tədbirlərdə tərcüməçiliklə də məşğul olub.

Yazarın başqa yazıları: Aysel Həsrət

Bölmənin başqa yazıları: GÜNEY AZƏRBAYCANGÜNEY AZƏRBAYCAN bölməsinin başqa yazıları »