Qardaş ölkələrin universitetləri arasında əlaqələr genişlənir

AzMİU ilə Beynəlxalq Final Universiteti arasında əməkdaşlıq perspektivləri müzakirə olunub

BAYRAQDAR MEDİA – Kuzey Kıbrıs Türk Cümhuriyyətinin (KKTC) Beynəlxalq Final Universitetinin rektor əvəzi Prof. Dr. Orhan Gemikonaklı Azərbaycan Memarlıq və İnşaat Universitetinin (AzMİU) qonağı olub.

Bu barədə BAYRADAR MEDİA-ya Prof. Dr. Orhan Gemikonaklı məlumat verib.

Prof. Dr. Orhan Gemikonaklı deyib ki, universitetin icraçı direktoru dosent Bülənt Taşel və beynəlxalq əlaqələr üzrə kordinatoru, “Multicultural Summer School” departamentinin direktoru Orxan Həsənoğlunun da iştirak etdiyi görüşdə bir sıra vacib məsələlər müzakirə edilib.

Belə ki, AzMİU-nun rektoru professor Gülçöhrə Məmmədova ilə görüşdə hər iki rektor rəhbərlik etdikləri ali təhsil müəssisələri haqqında məlumat verib, gələcəkdəki əməkdaşlıq imkanlarını müzakirə ediblər. Görüşün sonunda hər iki tərəf qarşılıqlı əməkdaşlıq barədə müsbət rəy bildirib və gələcəkdə daha konkret layihələr üzrə birgə fəaliyyət göstərmək üçün razılığa gəliblər. AzMİU və Beynəlxalq Final Universiteti arasında elmi və tədris sahəsində əməkdaşlığın genişlənməsi, yeni təhsil və tədqiqat imkanlarının yaradılması istiqamətində əhəmiyyətli addımların atılacağına inam ifadə edilib.