Press "Enter" to skip to content

KKTC-də 50-dən çox azərbaycanlı professor və müəllim çalışır

Yazar: Nadir Azəri - Əməkdar jurnalist. Tarix: 3 Aprel 2025 12:54

Orxan Həsənoğlu çıxış edərkən

Orxan Həsənoğlu çıxış edərkən

BAYRAQDAR MEDİA – Kuzey Kıbrıs Türk Cümhuriyyətində (KKTC) fəaliyyət göstərən universitetlərdə minlərlə azərbaycanlı tələbə təhsil alır.

Bunu KKTC-də Azərbaycan diasporunun rəhbəri Orxan Həsənoğlu deyib.

Məlumat üçün bildirək ki, aprelin 2-də Sizi Azərbaycan-Kıbrıs Dostluq Cəmiyyəti və Beynəlxalq Final Universitetinin təşkilatçılığı ilə Bakıda maraqlı bir tədbir təşkil edilib. Tədbirdə Azərbaycanla KKTC-nin media əlaqələri, KKTC-də təhsil mühiti və elm sahəsində münasibətlər mövzusunda müzakirələr aparılıb, çıxış və təkliflər dinlənilib.

Mərasimdəki çıxışında O.Həsənoğlu deyib ki, azərbaycanlı tələbələr müxtəlif ixtisaslar üzrə təhsil alır və təhsil sahəsində olduğu kimi, diasporun fəaliyyətində də fəallıqları ilə seçilirlər: “Kuzey Kıbrısda fəaliyyət göstərən universitetlərdə 50-dən çox azərbaycanlı professor və müəllim çalışır. Onlar öz bilik və bacarıqları ilə fərqlənərək təhsil sahəsinə töhfə verirlər”.

Related

Bölmə: TÜRK DÜNYASI

Nadir Azəri - Əməkdar jurnalist

BAYRAQDAR MEDİA-nın baş redaktorunun müavini, Azərbaycan Respublikasının Əməkdar jurnalisti (2013) Nadir AZƏRİ (İsmayilov Nadir Nəbi oğlu) 26 fevral 1973-cü ildə Yevlax rayonu, 2-ci Salamabad kəndində anadan olub. Bakı Sosial İdarəetmə və Politologiya İnstitutunun məzunudur. 1992-ci ildən etibarən dövri mətbuatda ilk yazıları Yevlaxın o zamankı “Təşəbbüs” (indiki “Kür”) qəzetində dərc edilib. 1995-ci ildə Gənclər və İdman Nazirliyinin mətbu orqanı olan “P.S. Gənclik” qəzetinin zona müxbiri kimi fəaliyyət göstərib. 1995-1997-ci illərdə “İki sahil”, “Panorama” və digər qəzetlərdə yazıları dərc olunub. 1997-1998-ci illərdə “Bu gün” qəzetində müxbir, baş redaktorun birinci müavini vəzifələrində çalışıb. Daha sonra “Yeni Müsavat”, “Üç nöqtə”, “Press Fakt”, “Mərkəz” və “Xəzər” qəzetlərində müxtəlif vəzifələrdə çalışıb. 2009-ci ildən 2021-ci il oktyabrın 11-dək “Yeni Azərbaycan” qəzetində şöbə redaktoru vəzifəsində çalışıb. Hazırda həm də Orta Asiya və Güney Qafqaz Söz Azadlığı Şəbəkəsi (CASCFEN) İB-in sədridir. nadir@bayraqdar.info

Yazarın başqa yazıları: Nadir Azəri - Əməkdar jurnalist

Bölmənin başqa yazıları: TÜRK DÜNYASITÜRK DÜNYASI bölməsinin başqa yazıları »

İlk şərhi yaza bilərsiniz

Lütfən, buyurub bir şərh yaza bilərsiniz Cavabı ləğv et