BAYRAQDAR MEDİA – Kars Harakani Hava Limanında “2025 Ailə İli” üçün xüsusi plakatlar asılıb.
Bu barədə karsmanset.com saytı məlumat yayıb.
Bildirilib ki, “Ailə və Sosial Xidmətlər Nazirliyi tərəfindən 2025-ci ilin “Ailə ili” elan edilməsindən sonra bu mühüm ilə diqqət çəkmək üçün Kars Ailə və Sosial Xidmətlər İl Müdirliyi tərəfindən maarifləndirmə tədbirləri həyata keçirilir. Bu çərçivədə Kars Harakani Hava Limanında “2025 Ailə İli” üçün xüsusi plakatlar asılıb”.
Məlumatda deyilir ki, Nazirliyin göstərişinə uyğun olaraq həyata keçirilən bu tədbir ailə institutunun əhəmiyyətini vurğulamaq və sosial maarifləndirməni artırmaq məqsədi daşıyır: “Kars Ailə və Sosial Xidmətlər İl Müdirliyi səlahiyyətliləri afişaların ailə bağlarını gücləndirmək və cəmiyyətdə ailəyə verilən əhəmiyyəti artırmaq məqsədi daşıdığını bildirib. Hava limanından istifadə edən sərnişinlər işdən məmnun qaldıqlarını bildirərək, plakatların ailə anlayışı ilə bağlı maarifləndirmə işinin aparıldığını deyiblər”.
İlk şərhi yaza bilərsiniz