BAYRAQDAR MEDİA – Kuzey Kıbrıs Türk Cümhuriyyətinin Prezident Ersin Tatar, Kıbrısın Rum Administrasiyasının lideri Nikos Hristodulidis ilə tampon zonada keçirdiyi görüşdən sonra mediaya açıqlama verib. Bu barədə KKTC Cümhurbaşqanlığından bildirilib.
Məlumata görə, Cümhurbaşqanlığında keçirilən mətbuat konfransında Ersin Tatar bır sıra vacib məqamlara toxunub.
Ersin Tatar görüşdə qeyri-rəsmi Cenevrə görüşündə razılaşdırılmış 6 mövzu ətrafında məsləhətləşdiklərini bildirib.
KKTC Cümhurbaşqanı görüşün əvvəlində EOKA-nın təsis tədbirlərində edilən çıxış və açıqlamalardan narahat olduğunu və türk tərəfi olaraq bunu qınadıqlarını ifadə edib: “Bu anlayışa sahib olanların səmimiyyətini şübhə altına aldığını bildirən Ersin Tatar, “Biz hər zaman yaxşı niyyətimizi nümayiş etdiririk ki, iki xalq qonşuluq münasibətləri ilə yanaşı yaşaya bilsin” deyib”.
Məlumata əsasən, Ersin Tatar, federasiya əsasında bütün səylərin nəticəsiz qaldığından, görüş zamanı yeni anlayış və siyasətlə hər iki xalqa fayda verəcək bir sıra mühüm layihələri öhdəsinə götürə biləcəklərini təkrarlayıb: “Kıbrısda yaşayan türklər və rumlar iqlim dəyişikliyinin mənfi təsirlərini minimuma endirmək məqsədilə ekoloji sahədə birgə Texniki Komitənin yaradılması barədə razılığa gəliblər. Həmçinin gənclər və mədəni irs məsələləri ilə bağlı texniki komitələrin yaradılması planlaşdırılır.
E.Tatarın sözlərinə görə, KKTC hakimiyyəti adanın rum hissəsi ilə şərti sərhəddə iki əlavə keçid məntəqəsinin açılmasına hazırdır: “Təkcə 2024-cü ildə sərhədi keçmə hallarının sayı 8 milyona çatıb. Üstəlik, 65 faiz hallarda “Metehan” keçid məntəqəsindən istifadə olunub ki, burada da həm türkləri, həm də yunanları narahat edən çətinliklər müşahidə edilir. Yeni keçid məntəqələrinin açılması bu problemi gündəmdən çıxarmağa kömək edəcək”.
İlk şərhi yaza bilərsiniz