BAYRAQDAR MEDİA – Amerikalı elm adamları düyü dənəsindən də kiçik olan və bədənə yeridilə bilən dünyanın ən kiçik kardiostimulyatorunu hazırladıqlarını açıqlayıb.
BAYRAQDAR MEDİA xəbər verir ki, bu barədə “Demirören” Xəbər Agentliyi məlumat paylaşıb.
Cəmi 1 millimetr qalınlığında və 3,5 millimetr uzunluğunda yeni hazırlanmış simsiz kardiostimulyator şprisin ucuna sığacaq qədər kiçikdir. Cihaz xəstənin sinəsinə yapışdırılmış yumşaq yamaq ilə birləşdirilir. Ə Yamaq nizamsız ürək döyüntülərini aşkar etdikdə işıq siqnalları göndərərək kardiostimulyatora hansı ritmi stimullaşdırmaq lazım olduğunu bildirir. Alimlər gələcəkdə insanlar üzərində sınaqdan keçirilməsi planlaşdırılan naqilsiz kardiostimulyatoru “cığır açan bir ixtira” adlandırıb.
Tədqiqatın müəllifi ABŞ-nin Şimal-Qərb Universitetinin professoru Con Rocers kardiostimulyatorun 2-3 il ərzində insanlarda sınaqdan keçirilə biləcəyini bildirib. Qeyd olunub ki, bu innovativ cihaz tibb dünyasının digər sahələrində də inkişafa ilham verə bilər.
İlk şərhi yaza bilərsiniz