BAYRAQDAR MEDİA – Türkiyənin Afinadakı səfiri Çağatay Erciyes Ramazan bayramı münasibəti ilə Batı Trakyada Gümülcine və İskeçe Müftiliyi, İskeçe Türk Gənclik Birliyi və İskeçe Türk Birliyini ziyarət edib.
Bu barədə birlikgazetesi.org saytı məlumat yayıb.
Bildirilib ki, “səfir Ç.Erciyes Gümülcine Baş Konsulluğunun bağçasında təşkil edilən bayram mərasimini Batı Trakya türkləri ilə birlikdə qeyd edib, daha sonra Gümülcine Müftisi İbrahim Şerifi ziyarət edib. Sonra səfir GTGB-də keçirilən mərasimdə iştirak edib”.
Məlumata əsasən, səfir Çağatay Erciyesin ikinci dayanacağı İskeçe olub: “İlk olaraq Batı Trakya Türk Azlıqları Məsləhət Şurasının sədri İskeçe Müftisi Mustafa Trampanı ziyarət edib. Sonda səfir və onu müşayiət edən nümayəndə heyəti İskeçe Türk Gənclik Birliyinə gedərək İTB başqanı Ozan Ahmetoğlu və İdarə Heyətinin üzvləri ilə görüşüb. Batı Trakyaya bir günlük xüsusi bayram səfərindən sonra səfir Çağatay Erciyes Afinaya qayıdıb”.
İlk şərhi yaza bilərsiniz