Fahrettin Altun: Türkiyə qətiyyətlidir, güclüdür və millətin iradəsi, sayın Recep Tayyip Erdoğanın rəhbərliyi ilə yoluna davam edir
BAYRAQDAR MEDİA – “Türkiyə son zamanlar həm ölkə daxilində, həm də xaricdə intensiv dezinformasiya kampaniyalarına qarşı mübarizə aparır. Ana müxalifət partiyasında yaşana daxili qarşıdurmalar və bu prosesdə açıqlanan iddialar insanı dəhşətə gətirir. Təəssüflər olsun ki, belə ciddi ittihamlar qarşısında xəcalət çəkməli olanlar ictimai vicdan qarşısında cavab vermək əvəzinə yalan və böhtan siyasətini davam etdirir, “pis oğru” kimi qavrayış əməliyyatlarına əl atırlar”.
Bunu Türkiyə Cumhurbaşkanlığı İletişim Başkanı Fahrettin Altun özünün X sosial şəbəkə hesabındakı paylaşımında qeyd edib.
Paylaşımında qardaş ölkədə cərəyan edən son proseslər və bu zaman müxalifətin sərgilədiyi mövqeyə toxunan F.Altun Türkiyəyə qarşı iqtisadi sabitliyi və investor etimadını sarsıtmağa hesablanmış ifadələrin daxildəki bəzi dairələr tərəfindən xaricə ötürüldüyünü qeyd edib.
Bundan başqa son hadisələrin Ramazan ayında baş verdiyinə diqqət çəkən F.Altun bunu dini dəyərlərə hörmətsizliklə yanaşı, təkcə siyasi ədəbsizlik deyil, həm də təşkilatlanmış şərin təzahürü kimi qiymətləndirib.
“Türkiyə qətiyyətlidir, güclüdür və millətin iradəsi, sayın Recep Tayyip Erdoğanın rəhbərliyi ilə yoluna davam edir” deyə paylaşımda sonda qeyd edilib.
İlk şərhi yaza bilərsiniz