Ata qızının türk adının dəyişdirilməsinə etiraz etdi

Yazar: Aysel Həsrət. Tarix: 2 Aprel 2025 16:17

BAYRAQDAR MEDİA – Təbriz Vətəndaş Qeydiyyatı İdarəsinin əməkdaşları Güney Azərbaycanlı uşağın adını doğum haqqında şəhadətnaməsinə Sevgi əvəzinə heç bir mənası və əhəmiyyəti olmayan Sogi şəklində qeyd ediblər.

Xəbəri “Azad İran” Telegram kanalı yayıb.

Xəbərə əsasən, körpənin atası “Balamın Adı” kampaniyasına müsahibəsində, “Qızım martın 22-də dünyaya gəlib. Biz ona Sevgi adını seçdik. Doğum haqqında şəhadətnamə almaq üçün Təbrizin Vətəndaş Qeydiyyatı İdarəsinə müraciət edəndə, bu ada şəhadətnamə verməyəcəklərini, çünki sistemdə həmzə hərfi ilə adların qəbul edilmədiyini bildiriblər. Yoldaşım işlədiyindən və şəhadətnamə olmadan 9 ay analıq məzuniyyətinə çıxa bilməməsi səbəbindən Sogi adı ilə şəhadətnamə almalı olduq” deyə bildirib.

Bölmə: GÜNEY AZƏRBAYCAN

Aysel Həsrət

BAYRAQDAR MEDİA-nın inzibatçı-müxbiri Aysel HƏSRƏT 09 oktyabr 2001-ci ildə Bakı şəhərində anadan olub. 2018-ci ildə Bakıdakı 204 saylı tam orta məktəbi bitirib, eyni ildə universitetə qəbul olunub. 4 illik bakalavr təhsilini başa vurduqdan sonra, 2022-2024-cü illərdə Türkiyənin Eskişehir Osmangazi Universitetində MBA ixtisası üzrə təhsil alıb. 2014-2024-cü illər aralığında Canlı Aləmin Mühafizəsi Alyansı, Azərbaycan Tələbə Gənclər Təşkilatları İttifaqı, Bakı Gənclər Mərkəzi, ASAN xidmət, COP 29-da həm könüllülük fəaliyyəti ilə məşğul olub, həm də praktika keçib. İngilis, rus və türk dillərini bilir. Müxtəlif beynəlxalq tədbirlərdə tərcüməçiliklə də məşğul olub.

Yazarın başqa yazıları: Aysel Həsrət

Bölmənin başqa yazıları: GÜNEY AZƏRBAYCANGÜNEY AZƏRBAYCAN bölməsinin başqa yazıları »