BAYRAQDAR MEDİA – “Aqrar İnkişaf Könüllüləri” Təşkilatı Aqrar Tədqiqatlar Mərkəzinin (ATM) təşkilati dəstəyi ilə Gəncə Avtomobil Zavodu və “Azmaş Lizinq”in birgə əməkdaşlığı çərçivəsində “AqroData” layihəsi həyata keçirib.
Bu haqda xəbər BAYRAQDAR MEDİA-ya Kənd Təsərrüfatı Nazirliyinin (KTN) mətbuat xidmətindən daxil olub.
Xəbərdə bildirilir ki, “layihənin əsas hədəfi data analitikasının kənd təsərrüfatında rolunu izah etmək, bu sahədə bilik və bacarıqları artırmaq, eləcə də innovativ yanaşmaları təşviq edərək aqrar sahədə daha effektiv həllərin tətbiqinə töhfə verməkdir. Bu məqsədlə aqrar inkişaf könüllülərinə təlimlər keçilib. Bir neçə gün davam edən təlimlərdə ATM-in direktoru Rəşad Hüseynov “Xətti proqramlaşdırma modelləri” mövzusunda təqdimatla çıxış edib, könüllülərin suallarını cavablandırıb”.
Sonra xəbərdə, “Mərkəzin direktorunun müşaviri Pərviz Əliyev isə layihə çərçivəsində iki təqdimatla – “Kənd təsərrüfatı sahəsində dövlət tənzimlənməsinin effektivliyinin qiymətləndirilməsinə yanaşmalar” və “Ümumi və qismi tarazlıq modelləri vasitəsilə aqrar sahənin inkişafının ssenarilər üzrə qiymətləndirilməsi metodologiyaları” çıxış edib. Bu təlimlərdə iştirakçılar aqrar sahədə dövlət tənzimlənməsinin effektivliyinin qiymətləndirilməsi metodları, eləcə də aqrar sahədə tarazlıq modellərinin tətbiqi, ssenari əsaslı qiymətləndirmə metodları və optimal qərarvermə üzrə yeni biliklər qazanıblar”.
Daha sonra xəbərdə deyilir ki, “sözügedən Mərkəzin Analitika departamentinin Diaqnostika və strateji planlaşdırma bölməsinin aparıcı mütəxəssisi Röyalə Alışzadə də “Data analitikası” modulu çərçivəsində iki təqdimatla – “Data analitikası nədir? Data bu gün niyə əhəmiyyətlidir?”, həmçinin “Əsas data tipləri, statistik anlayışlar, nümunə və nümunənin seçildiyi qrup, kateqorik dəyişənləri vizuallaşdırma” mövzularında təqdimatlarla çıxış edib. Bu sessiyalar sayəsində könüllülər kənd təsərrüfatında məlumatların analiz olunması, statistik metodlardan istifadə və data əsaslı qərarvermə prosesi ilə tanış olublar, nəzəri və praktiki biliklər əldə ediblər”.
Təlimin praktiki hissəsində iştirakçılar müxtəlif məlumat dəstləri üzərində təcrübələr keçiblər.
İlk şərhi yaza bilərsiniz