Manisada Novruz tonqalı qalanacaq

BAYRAQDAR MEDİA – Martın 21-də Manisada türk dünyasının qədim bayramı olan Novruz Bayramı geniş qeyd ediləcək.

Bu barədə BAYRAQDAR MEDİA-ya Manisa Azərbaycan Mədəniyyət və Həmrəylik Dərnəyindən məlumat verilib.

Bildirilib ki, tədbir Manisa Valiliyi, İl Mədəniyyət və Turizm Müdirliyi, Manisa Böyükşəhər Bələdiyyəsi Şehzadeler Bələdiyyəsi və Manisa Azərbaycan Mədəniyyət və Həmrəylik Dərnəyinin birgə təşkilatçılığı ilə reallaşcaq. Proqram Manisa Azərbaycan Mədəniyyət və Həmrəylik Dərnəyinin müvafiq olaraq abidə önünə Mesir əklil qoyması ilə başlayacaq”.

Məlumata görə, mədəniyyət müdirinin, bələdiyyə başçılarının, valinin çıxışlarından sonra Dərnəyin xalq rəqsləri ifaçıları ilə Qafqaz xalq rəqsləri təqdim ediləcək: “Daha sonra Novruzun dəyişməz ənənəsi olan şeir oxunuşu və rənglənmiş yumurta paylanması milli geyimli gənclərin müşayiəti ilə keçiriləcək. Novruz tonqalı qalanacaq və onun üzərindən tullanılacaq. Daha sonra Örsdə dəmir döyülməsi reallaşacaq və Protokol ilə Mesir korteji yaradılacaq. Mesir korteji pasta festivalının keçirildiyi Sultan məscidinə yola düşəcək. Bimerhanedeki açılış danışmalarından sonra dualarla ilk məsir məcunu qarışdırılacaq”.