BAYRAQDAR MEDİA – Bursanın Gemlik Bələdiyyəsinin başçısı Şükrü Deviren, Yaponiyanın İstanbuldakı baş konsulu Kasahara Kenichi və vitse-konsul Nomura Takashi ilə görüşüb.
Bu barədə worldturk.com.tr saytı məlumat yayıb.
Bildirilib ki, “görüş zamanı iki ölkə arasında dostluq əlaqələri, zəlzələlərin idarə olunması, mədəni əməkdaşlıq və ticarət məsələləri müzakirə olunub. Daha əvvəl Yaponiyanın Nanao şəhəri ilə qardaş şəhər protokolu imzalayan Gemlik Bələdiyyəsi bu əlaqələri daha da gücləndirmək üçün səylərini davam etdirir”.
Çıxışında xüsusilə zəlzələ məsələsinə toxunan Bələdiyyə Başçısı Deviren, Gemlik və Yaponiyanın oxşar torpaq xüsusiyyətlərinə malik olduğunu bildirib: “Tikinti fondumuz çox pis vəziyyətdədir. Yaponiyadakı qanuni tənzimləmələri araşdıracağıq. Bizdə də qanunlar var, amma icraatda çatışmazlıqlarımız var. Biz bu nöqtədə əməkdaşlıq etmək istəyirik”.
Yaponiya nümayəndə heyəti də Türkiyə ilə dostluq əlaqələrinin möhkəmlənməsindən məmnun olduqlarını bildirib, əməkdaşlığın və qarşılıqlı layihələrin davam etdiriləcəyinə dair müsbət mesajlar veriblər.
İlk şərhi yaza bilərsiniz