Press "Enter" to skip to content

“Azərbaycandan türk dünyasına Baharın müjdəsi”

BAYRAQDAR MEDİA – İğdırda Martın 19-da Türkiyənin İğdır şəhərində möhtəşəm Novruz şənliyi keçiriləcək.

Bu barədə verilən məlumatda deyilir ki, Azərbaycan-Türkiyə təşkilatlarının birgə layihəsi ilə Türkiyənin İğdır şəhərinin Atatürk Mahallı Sahə Stadionunda “Azərbaycandan türk dünyasına Baharın müjdəsi” adlı möhtəşəm Novruz Bayramı tədbiri keçiriləcək.

Tədbir İğdır Valiliyi, Azərbaycanın Türkiyədəki Səfirliyi, Kars Baş Konsulluğu, Azərbaycan Mədəniyyət Mərkəzi və Alagöz Holdinqin əməkdaşlığı ilə təşkil olunacaq.

Bayram şənliyində Azərbaycanın tanınmış incəsənət ustaları səhnəyə çıxacaqlar.

Tədbir zamanı türk dünyasının ortaq dəyəri olan, xalqımızın adət-ənənələrini, qədim tarixini və zəngin mədəniyyətini əhatə edən Novruz bayramı, Novruz bayramının incəsənət və ədəbiyyatdakı əksi haqqında çıxışlar, şoular, təqdimatlar və musiqili konsertlər təşkil olunacaq.

İğdır Stadionunda keçiriləcək tədbirdə Novruz bayramının simvolu olan tonqallar yandırılacaq. Dədə Qorqud, Bahar Kız və türk xalqının qəhrəmanlarının yer aldığı vizual təqdimat, Azərbaycan və Türkiyə bayraqlarını daşıyan atlılar və xalq artistləri ilə folklor şouları təqdim olunacaq.

Festivala çoxlu rəsmi qonaqların, diplomatların və Iğdırlıların qatılacağı planlaşdırılır.

İlk şərhi yaza bilərsiniz

Lütfən, buyurub bir şərh yaza bilərsiniz

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Mission News Theme by Compete Themes.