BAYRAQDAR MEDİA – Anadolu Universitetində Eskişehir millət vəkilləri, valilik rəsmiləri və rektorların iştirakı ilə süni intellekt sahəsində mühüm toplantı keçirilib. “Süni intellekt: Düşünən maşınlar, dəyişən dünyalar” seminarının ikinci hissəsində Eskişehir valisi Hüseyn Aksoy da iştirak edib.
Bu barədə eskisehir.net saytı məlumat yayıb.
Məlumata görə, toplantıda həmçinin Türkiyə Böyük Millət Məclisinin Süni İntellekt Araşdırma Komissiyasının sədri, Eskişehir millət vəkili Fatih Dönmez, Eskişehir millət vəkili Utku Çakırözer qatılıb: “Bundan əlavə, Anadolu Universitetinin rektoru Prof. Dr. Yusuf Adıgüzel, Eskişehir Texniki Universitetinin rektoru Prof. Dr. Adnan Özcan, Eskişehir Osmangazi Universitetinin rektoru Prof. Dr. Kamil Çolak, Anadolu Universiteti rektor müavinləri Prof. Dr. Erkan Erdemir və Prof. Dr. Köksal Büyük, rektor müşaviri Prof. Dr. Barış Kılınç və üç universitetin professor-müəllim heyəti də iştirak edib”.
Görüşün çox məhsuldar keçdiyini deyən Anadolu Universitetinin rektoru Prof. Dr. Yusuf Adıgüzel, görüşdən sonra mətbuata açıqlamasında bunları söyləyib: “Bu gün YÖK-də keçirdiyimiz görüşlər nəticəsində yekunlaşan bir xəbəri sizinlə bölüşmək istərdim. Anadolu Universitetində informatika və süni intellekt sahəsində kollec və fakültə açılacaq. İnformasiya Texnologiyaları və Süni İntellekt Peşə Məktəbində dörd, Kompüter və İnformasiya Elmləri Fakültəmizdə altı olmaqla ümumilikdə 10 yeni kafedra açacağımız şad xəbərini sizinlə bölüşürəm. “Bu kontekstdə iştiraklarına görə bütün qonaqlarımıza təşəkkür etmək istərdim”.
İlk şərhi yaza bilərsiniz