Dövlət Komitəsinin sədri Kars bələdiyyəsində olub

Yazar: Nihat Göytürk. Tarix: 13 Mart 2025 09:17

Görüş zamanı

BAYRAQDAR MEDİA – Azərbaycan nümayəndə heyəti Kars Bələdiyyəsinə səfər edib.

Bu barədə karsmanset.com saytı məlumat yayıb.

Bildirilib ki, “Azərbaycan Respublikasının Dini Qurumlarla İş üzrə Dövlət Komitəsinin sədri Ramin Məmmədov, Azərbaycanın Karsdakı baş konsulu Zamin Əliyev və rəhbərlik etdiyi nümayəndə heyəti Kars Bələdiyyəsinin başçısı Ötüken Şengeri ofisində ziyarət ediblər. Görüşdə Türkiyə ilə Azərbaycan arasındakı qardaşlıq əlaqələri, dini qurumlar arasında əməkdaşlıq və regional məsələlər müzakirə olunub. Nümayəndə heyəti Karsda mədəni və tarixi əlaqələrin gücləndirilməsi istiqamətində görülən işlər barədə fikir mübadiləsi aparıb”.

Məlumata görə, səfər iki ölkə arasında dostluq əlaqələrinin möhkəmləndirilməsi istiqamətində mühüm addım kimi qiymətləndirilib.

Bölmə: TÜRK DÜNYASI

Nihat Göytürk

1991-ci ildən jurnalistika ilə məşğul olur. Bir sıra qeyri-hökumət təşkilatlarının fəaliyyətində yaxından iştirak edib. 1993-cü ildən etibarən beynəlxalq təşkilatların ölkəmizdə keçirdiyi siyasi partiyalar, QHT sektoru, insan hüquqları, həmçinin jurnalistika ilə bağlı seminar, dəyirmi masa və treninqlərin iştirakçısı olub. Azərbaycanın daxili və xarici siyasəti, beynəlxalq münasibətlər, o cümlədən Türkiyə və Kuzey Kıbrıs Türk Cümhuriyyəti ilə bağlı çoxsaylı yazıların müəllifidir. Azərbaycan və türk dilində yazır və danışır. nihat@bayraqdar.info

Yazarın başqa yazıları: Nihat Göytürk

Bölmənin başqa yazıları: TÜRK DÜNYASITÜRK DÜNYASI bölməsinin başqa yazıları »