Güney Azərbaycanlı üçəmlər 5 aydan sonra şəhadətnamə ala bildi

Yazar: Aysel Həsrət. Tarix: 6 Mart 2025 10:21

BAYRAQDAR MEDİA – 5 ay 17 günlük mübarizədən sonra Güney Azərbaycanlı Məsud Səfəri üçəm övladlarına doğum haqqında şəhadətnamə ala bilib.

Xəbəri “Azad İran” Telegram kanalı “Dan.magazin”ə istinadən yayıb.

Bildirilib ki, ““Balamın Adı” kampaniyasının məlumatına görə, biri qız və ikisi oğlan olan bu üçəmlər 2024-cü il sentyabrın 5-də dünyaya gəlib və valideynləri onlara Sevgi, Elnur və Elşən türk adlarını seçiblər. Təbriz Vətəndaş Qeydiyyatı İdarəsi bu adlara görə şəhadətnamə verməkdən imtina edib. İdarə işçiləri “Həmzə” hərfi olan adlara şəhadətnamə verilməməsi ilə bağlı göstəriş gəldiyini vurğulayıb və şəhadətnamələrin veriləcəyi təqdirdə bu adların “Sugi”, “Əl-Nur” və “Əl-Şən” kimi yazılacağını bildiriblər”.

Bölmə: GÜNEY AZƏRBAYCAN

Aysel Həsrət

BAYRAQDAR MEDİA-nın inzibatçı-müxbiri Aysel HƏSRƏT 09 oktyabr 2001-ci ildə Bakı şəhərində anadan olub. 2018-ci ildə Bakıdakı 204 saylı tam orta məktəbi bitirib, eyni ildə universitetə qəbul olunub. 4 illik bakalavr təhsilini başa vurduqdan sonra, 2022-2024-cü illərdə Türkiyənin Eskişehir Osmangazi Universitetində MBA ixtisası üzrə təhsil alıb. 2014-2024-cü illər aralığında Canlı Aləmin Mühafizəsi Alyansı, Azərbaycan Tələbə Gənclər Təşkilatları İttifaqı, Bakı Gənclər Mərkəzi, ASAN xidmət, COP 29-da həm könüllülük fəaliyyəti ilə məşğul olub, həm də praktika keçib. İngilis, rus və türk dillərini bilir. Müxtəlif beynəlxalq tədbirlərdə tərcüməçiliklə də məşğul olub.

Yazarın başqa yazıları: Aysel Həsrət

Bölmənin başqa yazıları: GÜNEY AZƏRBAYCANGÜNEY AZƏRBAYCAN bölməsinin başqa yazıları »