İranda panfarslar türk şəhidləri təhqir etdi

Yazar: Aysel Həsrət. Tarix: 27 Fevral 2025 20:00

BAYRAQDAR MEDİA – Şiraz-Kuhçinar marşrutu üzrə Qaşqay Şəhidləri magistralında quraşdırılan yol nişanı yenidən təxribata məruz qalıb. Bu, son bir ildə paniranistlər tərəfindən törədilən ikinci belə hadisədir.

Xəbəri “Azad İran” Telegram kanalı “Baydaq News”a istinadən yayımlayıb.

Xəbərə əsasən, “türk düşmənləri yol nişanının üzərinə boya səpərək onu yararsız hala salıblar. Sosial şəbəkələrdə paylaşılan videodan görünür ki, qaşqay türkü olan gənc rəngli boyanı təmizləməyə çalışır”.

Qeyd edək ki, “Qaşqay türkləri 40 min imza toplayaraq İsfahan-Şiraz yolunun “Qaşqay” adlandırılmasını istəyiblər. Ancaq rəsmilər onların bu istəyi ilə razılaşmayaraq, Şirazdan Çinar dağına gedən magistralda kiçik bir avtomobil yoluna “Qaşqay şəhidləri” adını veriblər”.

Bölmə: GÜNEY AZƏRBAYCAN

Aysel Həsrət

BAYRAQDAR MEDİA-nın inzibatçı-müxbiri Aysel HƏSRƏT 09 oktyabr 2001-ci ildə Bakı şəhərində anadan olub. 2018-ci ildə Bakıdakı 204 saylı tam orta məktəbi bitirib, eyni ildə universitetə qəbul olunub. 4 illik bakalavr təhsilini başa vurduqdan sonra, 2022-2024-cü illərdə Türkiyənin Eskişehir Osmangazi Universitetində MBA ixtisası üzrə təhsil alıb. 2014-2024-cü illər aralığında Canlı Aləmin Mühafizəsi Alyansı, Azərbaycan Tələbə Gənclər Təşkilatları İttifaqı, Bakı Gənclər Mərkəzi, ASAN xidmət, COP 29-da həm könüllülük fəaliyyəti ilə məşğul olub, həm də praktika keçib. İngilis, rus və türk dillərini bilir. Müxtəlif beynəlxalq tədbirlərdə tərcüməçiliklə də məşğul olub.

Yazarın başqa yazıları: Aysel Həsrət

Bölmənin başqa yazıları: GÜNEY AZƏRBAYCANGÜNEY AZƏRBAYCAN bölməsinin başqa yazıları »