Şagirdlər türkcə oxudu, məktəbin qurucusu sorğulandı

Yazar: Aysel Həsrət. Tarix: 25 Fevral 2025 09:11

BAYRAQDAR MEDİA – Təbrizdəki Kara qızlar və oğlanlar üçün məktəbinin təsisçisi xanım Bayramzadə təhlükəsizlik orqanı tərəfindən çağırılaraq məktəbin lisenziyasının ləğv ediləcəyi ilə hədələnib.

Xəbəri “Azad İran” Telegram kanalı yayımlayıb.

Bildirilib ki, məktəbin oğlanlar korpusunun rəhbəri xanım Əzimpuran və qızlar korpusunun rəhbəri xanım Rəsulivənd də çağrılıb. ETTELAAT-ın bu qanunsuz çağırışı Beynəlxalq Ana Dili Günündə Təbrizin Atlas ticarət kompleksində Kara məktəbinin qız və oğlan şagirdlərinin türkcə “Daşlı qala”, “Sudan gələn sürməli qız” və digər Azərbaycan mahnılarını oxuması ilə bağlıdır.

Bölmə: GÜNEY AZƏRBAYCAN

Aysel Həsrət

BAYRAQDAR MEDİA-nın inzibatçı-müxbiri Aysel HƏSRƏT 09 oktyabr 2001-ci ildə Bakı şəhərində anadan olub. 2018-ci ildə Bakıdakı 204 saylı tam orta məktəbi bitirib, eyni ildə universitetə qəbul olunub. 4 illik bakalavr təhsilini başa vurduqdan sonra, 2022-2024-cü illərdə Türkiyənin Eskişehir Osmangazi Universitetində MBA ixtisası üzrə təhsil alıb. 2014-2024-cü illər aralığında Canlı Aləmin Mühafizəsi Alyansı, Azərbaycan Tələbə Gənclər Təşkilatları İttifaqı, Bakı Gənclər Mərkəzi, ASAN xidmət, COP 29-da həm könüllülük fəaliyyəti ilə məşğul olub, həm də praktika keçib. İngilis, rus və türk dillərini bilir. Müxtəlif beynəlxalq tədbirlərdə tərcüməçiliklə də məşğul olub.

Yazarın başqa yazıları: Aysel Həsrət

Bölmənin başqa yazıları: GÜNEY AZƏRBAYCANGÜNEY AZƏRBAYCAN bölməsinin başqa yazıları »