Bakıda “Daha ədalətli dünya mümkündür”deyiləcək

Yazar: Nadir Azəri - Əməkdar jurnalist. Tarix: 20 Fevral 2025 09:35

Fahrettin Altun

BAYRAQDAR MEDİA – Türkiyə ilə Azərbaycan arasında əlaqələr ötən hər gün ərzində daha da güclənir və dərinləşir. “Bir millət, iki dövlət” fəlsəfəsinə əsaslanan bu əlaqələr media sahəsini də əhatə edir.

Ötən 5 ilə nəzər salınacaq

Xüsusilə ötən beş ildə bu sahədə mühüm addımlar atılıb. Eyni zamanda, 2025-ci ildə də sözügedən istiqamətdə işlərin görülməsi planlaşdırılır.

BAYRAQDAR MEDİA xəbər verir ki, bu kontekstdə martın 4-də Bakıda “Daha ədalətli dünya mümkündür” adlı tədbir keçiriləcək. Bu barədə Türkiyə Cumhurbaşkanlığı İletişim başkanı Fahrettin Altunun fevralın 19-da Bakıda keçirilən tədbirə ünvanaldığı məktubda qeyd edilib.

Bildirək ki, dəyirmi masa və paneldən ibarət olacaq tədbirdə Türkiyədən və Azərbaycandan rəsmi şəxslərin, o cümlədən media təmsilçilərinin içtirakı nəzərdə tutulub.

Bölmə: TÜRK DÜNYASI

Nadir Azəri - Əməkdar jurnalist

BAYRAQDAR MEDİA-nın baş redaktorunun müavini, Azərbaycan Respublikasının Əməkdar jurnalisti (2013) Nadir AZƏRİ (İsmayilov Nadir Nəbi oğlu) 26 fevral 1973-cü ildə Yevlax rayonu, 2-ci Salamabad kəndində anadan olub. Bakı Sosial İdarəetmə və Politologiya İnstitutunun məzunudur. 1992-ci ildən etibarən dövri mətbuatda ilk yazıları Yevlaxın o zamankı “Təşəbbüs” (indiki “Kür”) qəzetində dərc edilib. 1995-ci ildə Gənclər və İdman Nazirliyinin mətbu orqanı olan “P.S. Gənclik” qəzetinin zona müxbiri kimi fəaliyyət göstərib. 1995-1997-ci illərdə “İki sahil”, “Panorama” və digər qəzetlərdə yazıları dərc olunub. 1997-1998-ci illərdə “Bu gün” qəzetində müxbir, baş redaktorun birinci müavini vəzifələrində çalışıb. Daha sonra “Yeni Müsavat”, “Üç nöqtə”, “Press Fakt”, “Mərkəz” və “Xəzər” qəzetlərində müxtəlif vəzifələrdə çalışıb. 2009-ci ildən 2021-ci il oktyabrın 11-dək “Yeni Azərbaycan” qəzetində şöbə redaktoru vəzifəsində çalışıb. Hazırda həm də Orta Asiya və Güney Qafqaz Söz Azadlığı Şəbəkəsi (CASCFEN) İB-in sədridir. nadir@bayraqdar.info

Yazarın başqa yazıları: Nadir Azəri - Əməkdar jurnalist

Bölmənin başqa yazıları: TÜRK DÜNYASITÜRK DÜNYASI bölməsinin başqa yazıları »