Prezident Ukraynaya qoşun göndərilməsinə qarşıdır

Yazar: Nihat Göytürk. Tarix: 19 Fevral 2025 14:18

Rumen Radev

BAYRAQDAR MEDİA – Bolqarıstan Ukraynaya hərbi heyət göndərməməlidir.

Bunu Prezident Rumen Radev jurnalistlərə açıqlamasında deyib.

Radio Bolqarıstanın məlumatına görə, R.Radev “Mən Ali Baş Komandan kimi Bolqarıstanın Ukraynaya hər hansı formada qoşun göndərməsinin qəti əleyhinəyəm” deyə bəyan edib.

Prezident hökumətdən və Xalq Məclisindən Bolqarıstanın əsgər göndərməyəcəyinə dair dəqiq bir mövqe tutmasını gözlədiyini ifadə edərək, deyib:“Ukraynada müharibənin əvvəlində qaldırdığım ən böyük sual Bolqarıstanın müharibəyə cəlb olunmasının qarşısını almaq idi. “Bu gün qlobal təhlükəsizlik arxitekturasının çökdüyü bir mühitdə bu məsələ daha da aktuallaşıb”.

Bölmə: DÜNYA

Nihat Göytürk

1991-ci ildən jurnalistika ilə məşğul olur. Bir sıra qeyri-hökumət təşkilatlarının fəaliyyətində yaxından iştirak edib. 1993-cü ildən etibarən beynəlxalq təşkilatların ölkəmizdə keçirdiyi siyasi partiyalar, QHT sektoru, insan hüquqları, həmçinin jurnalistika ilə bağlı seminar, dəyirmi masa və treninqlərin iştirakçısı olub. Azərbaycanın daxili və xarici siyasəti, beynəlxalq münasibətlər, o cümlədən Türkiyə və Kuzey Kıbrıs Türk Cümhuriyyəti ilə bağlı çoxsaylı yazıların müəllifidir. Azərbaycan və türk dilində yazır və danışır. nihat@bayraqdar.info

Yazarın başqa yazıları: Nihat Göytürk

Bölmənin başqa yazıları: DÜNYADÜNYA bölməsinin başqa yazıları »