Güney Azərbaycanlı fəala yenidən ölüm hökmü

Yazar: Aysel Həsrət. Tarix: 13 Fevral 2025 18:49

Şərifə Məhəmmədi

BAYRAQDAR MEDİA – İranda İnsan Haqları Müdafiəçiləri Qrupu – HRANA xəbər verir ki, Rəştin Lakan zindanında saxlanılan Güney Azərbaycanlı İşçi Hərəkatı fəalı Şərifə Məhəmmədi Rəşt İnqilab Məhkəməsinin ikinci bölməsi tərəfindən yenidən edam cəzasına məhkum edilib.

Xəbəri “Azad İran” Telegram kanalı yayımlayıb.

Xəbərə əsasən, Ş.Məhəmmədi bir daha müxalif qruplaşmaya üzv olaraq üsyan qaldırmaqda günahlandırılıb.

Qeyd edək ki, Güney Azərbaycanlı fəal daha öncə eyni ittihamla edama məhkum edilsə də apellyasiya şikayətindən sonra barəsində çıxarılan ölüm hökmü Ali Məhkəmə tərəfindən ləğv olunmuşdu.

Bölmə: GÜNEY AZƏRBAYCAN

Aysel Həsrət

BAYRAQDAR MEDİA-nın inzibatçı-müxbiri Aysel HƏSRƏT 09 oktyabr 2001-ci ildə Bakı şəhərində anadan olub. 2018-ci ildə Bakıdakı 204 saylı tam orta məktəbi bitirib, eyni ildə universitetə qəbul olunub. 4 illik bakalavr təhsilini başa vurduqdan sonra, 2022-2024-cü illərdə Türkiyənin Eskişehir Osmangazi Universitetində MBA ixtisası üzrə təhsil alıb. 2014-2024-cü illər aralığında Canlı Aləmin Mühafizəsi Alyansı, Azərbaycan Tələbə Gənclər Təşkilatları İttifaqı, Bakı Gənclər Mərkəzi, ASAN xidmət, COP 29-da həm könüllülük fəaliyyəti ilə məşğul olub, həm də praktika keçib. İngilis, rus və türk dillərini bilir. Müxtəlif beynəlxalq tədbirlərdə tərcüməçiliklə də məşğul olub.

Yazarın başqa yazıları: Aysel Həsrət

Bölmənin başqa yazıları: GÜNEY AZƏRBAYCANGÜNEY AZƏRBAYCAN bölməsinin başqa yazıları »