Hava şəraitinin dəyişəcəyi ilə bağlı xəbərdarlıq

Yazar: Röya İsrafil. Tarix: 12 Fevral 2025 13:03

BAYRAQDAR MEDİA – Milli Hidrometeorologiya Xidmətinin məlumatına əsasən fevralın 14-də Bakıda və Abşeron yarımadasında arabir yağış yağacağı, yarımadanın bəzi yerlərində intensivləşəcəyi gözlənilir.

Bu haqda xəbər BAYRAQDAR MEDİA-ya Ekologiya və Təbii Sərvətlər Nazirliyinin (ETSN) mətbuat xidmətindən daxil olub.

Xəbərdə bildirilir ki, “fevralın 13-ü gecə və səhər əsasən şərq rayonlarında, 14-dən 15-i səhərədək isə əksər rayonlarda arabir yağış, dağlıq və dağətəyi rayonlarda qar yağacağı, Naxçıvan MR, Qarabağ və Şərqi-Zəngəzur, Balakən-Şəki, Dağlıq-Şirvan, Lənkəran-Astara, Mərkəzi Aran bölgəsində intensivləşəcəyi ehtimalı var. Ölkə ərazisində havanın temperaturu 4 dərəcəyədək enəcək”.

Gözlənilən hava şəraiti ilə əlaqədar çaylarda sululuğun artacağı, dağlıq rayonlarda isə yolların buz bağlayacağı ehtimal olunur.

Bölmə: EKOLOGİYA

Röya İsrafil

Röya İsrafil 16 may 1991-ci ildə Saatlı rayonunda anadan olub. 2011-2015-ci illərdə Bakı Qızlar Universitetinin Jurnalistika fakültəsində təhsil alıb. Müxtəlif illərdə Dialoq TV, Yeni media, Agro TV, Qəbələ TV və s. internet kanallarında xəbərlər buraxılışının aparıcısı, MZ Production-ın layihəsi olan “Müasir Azərbaycan Gənci” (MAG) proqramında müxbir kimi işləyib. Həmçinin AzTV-nin nəzdində fəaliyyət göstərən Teleradio Akademiyasında təhsil alıb. 2017-ci ildən AMEA Mərkəzi Elmi Kitabxanasının İctimaiyyətlə əlaqələr və informasiya şöbəsində işləyir.

Yazarın başqa yazıları: Röya İsrafil

Bölmənin başqa yazıları: EKOLOGİYAEKOLOGİYA bölməsinin başqa yazıları »