Arvopalı vəkillər: Güney Azərbaycanlı vəkil azadlığa buraxılsın

Yazar: Aysel Həsrət. Tarix: 12 Fevral 2025 10:01

Məhəmməd Rza Fəqihi

BAYRAQDAR MEDİA – Avropa Vəkillər Kollegiyası və Hüquq Birlikləri Şurası İran Prezidenti Məsud Pezeşkiana ünvanladıqları məktubda həbsdə olan vəkil Məhəmməd Rza Fəqihinin durumundan narahatlığını bildirib, onun dərhal, həm də qeyd-şərtsiz azadlığa buraxılmasını tələb edib.

Xəbəri “Azad İran” Telegram kanalı “Iranwire”a istinadla yayımlayıb.

Bildirilib ki, Güney Azərbaycanlı vəkil M.Fəqihi İran hakimiyyətinə qarşı toplanmaq və təşkilatçılıqda ittiham olunaraq 5 il həbs cəzasına məhkum edilib.

Qeyd edək ki, M.Fəqihi əslən Ərdəbil əyalətinin Hir şəhərindəndir və Tehranda yaşayır. O, müxtəlif dövrlərdə Güney Azərbaycan Milli Hərəkatının fəallarının hüquqlarını müdafiə edib.

Bölmə: GÜNEY AZƏRBAYCAN

Aysel Həsrət

BAYRAQDAR MEDİA-nın inzibatçı-müxbiri Aysel HƏSRƏT 09 oktyabr 2001-ci ildə Bakı şəhərində anadan olub. 2018-ci ildə Bakıdakı 204 saylı tam orta məktəbi bitirib, eyni ildə universitetə qəbul olunub. 4 illik bakalavr təhsilini başa vurduqdan sonra, 2022-2024-cü illərdə Türkiyənin Eskişehir Osmangazi Universitetində MBA ixtisası üzrə təhsil alıb. 2014-2024-cü illər aralığında Canlı Aləmin Mühafizəsi Alyansı, Azərbaycan Tələbə Gənclər Təşkilatları İttifaqı, Bakı Gənclər Mərkəzi, ASAN xidmət, COP 29-da həm könüllülük fəaliyyəti ilə məşğul olub, həm də praktika keçib. İngilis, rus və türk dillərini bilir. Müxtəlif beynəlxalq tədbirlərdə tərcüməçiliklə də məşğul olub.

Yazarın başqa yazıları: Aysel Həsrət

Bölmənin başqa yazıları: GÜNEY AZƏRBAYCANGÜNEY AZƏRBAYCAN bölməsinin başqa yazıları »