BAYRAQDAR MEDİA – Azərbaycanda mövsümü xarakter daşıyan respirator virus infeksiyalarına yoluxma halları nəzərə alınaraq adaptasiya dövründə olan gənc əsgərlərin sağlamlığının qorunması məqsədi ilə hərbi hissələrdə görüşə müvəqqəti məhdudiyyət qoyulub.
Bu haqda xəbər BAYRAQDAR MEDİA-ya Müdafiə Nazirliyindən daxil olub.
Xəbərdə qeyd edilir ki, “Nazirlik ictimaiyyətdən Azərbaycan hərbi qulluqçularının sağlamlığına həssaslıqla yanaşmağı, qeyd olunan məhdudiyyəti anlayışla qarşılamağı, xüsusilə andiçmə mərasimləri zamanı hərbi hissələrə gəlməməyi xahiş edir”.
Həmçinin valideynlərin hərbi hissələrdə xüsusilə andiçmə tədbirlərində iştirak etməmələri qeyd edilib.
