Fars-molla rejimi Güney Azərbaycanı talayır

Yazar: Aysel Həsrət. Tarix: 10 Fevral 2025 09:54

BAYRAQDAR MEDİA – Güney Azərbaycanın mədənlərindən əldə olunan gəlirlər hesabına əsasən farsların yaşadığı Kerman əyaləyində böyük turizm kompleksinin tikintisi başa çatıb. “Qolqohər Mədən” şirkəti Kermanda Qohər Parkı adlı böyük turizm kompleksinin açılışını edib.

Xəbəri “Azad İran” Telegram kanalı yayımlayıb.

Bildirilib ki, İran hökuməti mədənlərdən yığılan vəsait hesabına Kermanda iri turizm kompleksi tiksə də Güney Azərbaycanın şəhərləri baxımsız durumda qalmağa davam edir. O cümlədən Vərziğandakı xəstəxananın tikintisi hələ də başa çatdırılmayıb.

Qeyd edək ki, Vərziğanda yerləşən Süngün mis mədəni Yaxın Şərqin ən böyük mis mədəni sayılır. İranın illik mis istehsalının 60 faizi bu mədəndən çıxarılır.

Bölmə: GÜNEY AZƏRBAYCAN və XƏBƏRLƏR

Aysel Həsrət

BAYRAQDAR MEDİA-nın inzibatçı-müxbiri Aysel HƏSRƏT 09 oktyabr 2001-ci ildə Bakı şəhərində anadan olub. 2018-ci ildə Bakıdakı 204 saylı tam orta məktəbi bitirib, eyni ildə universitetə qəbul olunub. 4 illik bakalavr təhsilini başa vurduqdan sonra, 2022-2024-cü illərdə Türkiyənin Eskişehir Osmangazi Universitetində MBA ixtisası üzrə təhsil alıb. 2014-2024-cü illər aralığında Canlı Aləmin Mühafizəsi Alyansı, Azərbaycan Tələbə Gənclər Təşkilatları İttifaqı, Bakı Gənclər Mərkəzi, ASAN xidmət, COP 29-da həm könüllülük fəaliyyəti ilə məşğul olub, həm də praktika keçib. İngilis, rus və türk dillərini bilir. Müxtəlif beynəlxalq tədbirlərdə tərcüməçiliklə də məşğul olub.

Yazarın başqa yazıları: Aysel Həsrət

Bölmənin başqa yazıları: GÜNEY AZƏRBAYCANGÜNEY AZƏRBAYCAN bölməsinin başqa yazıları »