BAYRAQDAR MEDİA – Özbəkistanda Qazaxıstanla ikitərəfli su əməkdaşlığı birgə işçi qrupunun 12-ci iclası keçirilib.
Bu barədə Kırım Haber Ajansı məlumat yayıb.
Məlumata görə, iclasda Qazaxıstanın su ehtiyatları və suvarma naziri Nurcan Nurjigitov və Özbəkistanın su ehtiyatları naziri Şavkat Hamrayev iştirak edib: “Görüş zamanı tərəflər 2025-ci il oktyabrın 1-dək Özbəkistanın Qazaxıstana 16 milyard kubmetr su göndərəcəyi barədə razılığa gəliblər. Bu rəqəm ötən il Özbəkistanın Qazaxıstana göndərdiyi 15 milyard kubmetr suvarma suyu ilə müqayisədə 1 milyard kubmetr artım deməkdir. Digər tərəfdən, Özbəkistan tərəfi builki suvarma mövsümündə Dostluq kanalı ilə dayanıqlı su təchizatını təmin edəcək”.
Məlumata görə, görüşdə həmçinin qeyd olunub ki, iki ölkə xüsusilə Qazaxıstanın Türküstan vilayətinin və Özbəkistanın Cizzak vilayətinin kənd təsərrüfatı rayonlarına suyun paylanmasını yaxşılaşdırmaq üçün dövlətlərarası kanalların təmiri sahəsində əməkdaşlıq edəcək: “Nazirlər həmçinin dövlətlərarası kanallarda birgə təmir işlərinin aparılması barədə razılığa gəliblər”.
İlk şərhi yaza bilərsiniz