BAYRAQDAR MEDİA – Prezident İlham Əliyev Avtomobil Yolları Dövlət Agentliyi ilə bağlı iki Fərmana dəyişiklik edib.
Dəyişiklikdə deyilir:
1. “Azərbaycan Avtomobil Yolları Dövlət Agentliyinin yaradılması haqqında” Azərbaycan Respublikası Prezidentinin 2017-ci il 18 oktyabr tarixli 1638 nömrəli Fərmanının (Azərbaycan Respublikasının Qanunvericilik Toplusu, 2017, № 10, maddə 1805 (Cild I) 2.2-ci bəndində “iki” sözü “üç” sözü ilə əvəz edilsin.
2. Azərbaycan Respublikası Prezidentinin 2017-ci il 19 dekabr tarixli 1748 nömrəli Fərmanı (Azərbaycan Respublikasının Qanunvericilik Toplusu, 2017, № 12 (I kitab), maddə 2316 (Cild I) ilə təsdiq edilmiş “Azərbaycan Avtomobil Yolları Dövlət Agentliyinin Nizamnaməsi”nin 4.3-cü bəndinin ikinci cümləsində “üç” sözü “dörd” sözü ilə, “iki” sözü “üç” sözü ilə əvəz edilsin.
Fərmanın 1-ci bəndindəki dəyişikliyə görə əvvəlki maddə belə dəyişdirilir:
2.2. Agentliyin fəaliyyətinə cari rəhbərliyi və nəzarəti həyata keçirmək məqsədilə sədr və onun üç müavinindən ibarət İdarə Heyəti yaradılır;
2-ci bənd isə Nizamnaməyə belə dəyişikliklər edir:
4.3. İdarə Heyəti Agentliyə rəhbərliyi və nəzarəti həyata keçirir. İdarə Heyətinin tərkibi dörd nəfərdən – Azərbaycan Respublikasının Prezidenti tərəfindən vəzifəyə təyin və vəzifədən azad edilən İdarə Heyəti sədrindən və üç sədr müavinindən ibarətdir.
İlk şərhi yaza bilərsiniz