Güney Azərbaycandan məhbuslara dəstək

Yazar: Aysel Həsrət. Tarix: 4 Fevral 2025 10:40

BAYRAQDAR MEDİA – Fevralın 3-də Urmu şəhərində bir qrup gənc fəal həbs edilən milli fəallara dəstək olmaq məqsədi ilə aksiya keçiriblər.

Xəbəri “Azad İran” Telegram kanalı “Araz News”a istinadla yayımlayıb.

Bildirilib ki, şəhərin müxtəlif yerlərində milli fəallar Səməd Heydəri və Rza Səlimiyə dəstək olmaq üçün divarlara vərəqələr yapışdırıblar. Vərəqələrdə “Ardınca çox gəzib dolanmışam, səni zindanlarda tapmışam, salam Vətən, salam!” yazılıb.

Qeyd edək ki, gənc fəallar yanvarın 23-də Təbriz şəhərində təhlükəsizlik qüvvələri tərəfindən həbs ediliblər.

Bölmə: GÜNEY AZƏRBAYCAN

Aysel Həsrət

BAYRAQDAR MEDİA-nın inzibatçı-müxbiri Aysel HƏSRƏT 09 oktyabr 2001-ci ildə Bakı şəhərində anadan olub. 2018-ci ildə Bakıdakı 204 saylı tam orta məktəbi bitirib, eyni ildə universitetə qəbul olunub. 4 illik bakalavr təhsilini başa vurduqdan sonra, 2022-2024-cü illərdə Türkiyənin Eskişehir Osmangazi Universitetində MBA ixtisası üzrə təhsil alıb. 2014-2024-cü illər aralığında Canlı Aləmin Mühafizəsi Alyansı, Azərbaycan Tələbə Gənclər Təşkilatları İttifaqı, Bakı Gənclər Mərkəzi, ASAN xidmət, COP 29-da həm könüllülük fəaliyyəti ilə məşğul olub, həm də praktika keçib. İngilis, rus və türk dillərini bilir. Müxtəlif beynəlxalq tədbirlərdə tərcüməçiliklə də məşğul olub.

Yazarın başqa yazıları: Aysel Həsrət

Bölmənin başqa yazıları: GÜNEY AZƏRBAYCANGÜNEY AZƏRBAYCAN bölməsinin başqa yazıları »