BAYRAQDAR MEDİA – Türkiyənin Qars şəhərində keçirilən beynəlxalq “Qış təlimi – 2025”də iştirak edən Azərbaycan hərbi qulluqçuları yüksək peşəkarlıq nümayiş etdirirlər.
Bu haqda xəbər BAYRAQDAR MEDİA-ya Müdafiə Nazirliyindən daxil olub.
Xəbərdə bildirilir ki, “müxtəlif ölkələrdən 12 mindən çox hərbi qulluqçunun iştirak etdiyi təlimdə əməliyyatlar zamanı bölmələrlə qarşılıqlı əlaqənin təmin edilməsi, döyüş vərdişlərinin yoxlanılması, atəşin idarə olunması, həmçinin axtarış-xilasetmə tədbirləri və döyüş təminatı üzrə fəaliyyətlər həyata keçirilir”.
Sonra xəbərdə, “təlimin ssenarisinə uyğun olaraq artilleriya qurğuları, zirehli texnika, döyüş təyyarələri və helikopterlərdən qeyri-qanuni silahlı birləşmələrin sığınacaqları, texnikası və canlı qüvvəsinin məhv edilməsi üzrə tapşırıqlar yerinə yetirilib. Həmçinin çətin hava şəraitində təyyarələrdən endirilən taktiki hava desantı qrupları dağlıq ərazidə döyüş tətbiqi üzrə tapşırıqları icra ediblər” deyə qeyd edilir.
Çoxmillətli “Qış təlimi – 2025”də Azərbaycan bölmələri Azərbaycanı layiqincə təmsil edir.
İlk şərhi yaza bilərsiniz