İranın kütləvi edamlarla saxta güc nümayişi

Yazar: Aysel Həsrət. Tarix: 30 Yanvar 2025 20:16

Nərgiz Məhəmmədi

BAYRAQDAR MEDİA – 2023-cü il Nobel Sülh Mükafatının qalibi, Güney Azərbaycanlı hüquq müdafiəçisi və siyasi məhbus Nərgiz Məhəmmədi “Çərşənbə axşamları edama yox!” kampaniyasının birinici ildönümü münasibətilə keçirilən iclasda fikirlərini dilə gətirib.

Xəbəri “Azad İran” Telegram kanalı “Iran International”a istinadla yayımlayıb.

“İran İslam Respublikası bu cəza vasitəsi ilə cəmiyyətdə terror yaratmağa çalışır. İran hökuməti edamlarla kütləvi etirazları yatırmaq istəyir. Eyni zamanda kütləvi edamlar yolu ilə saxta gücünü nümayiş etdirmək niyyətindədir”, – deyə N.Məhəmmədi bildirib.

O, İranda ölüm hökmünün ləğvi üçün atılan addımların güclənəcəyi və dar ağacının iplərinin qırılacağı günə şahid olmaq istədiyini deyib.

Bölmə: GÜNEY AZƏRBAYCAN

Aysel Həsrət

BAYRAQDAR MEDİA-nın inzibatçı-müxbiri Aysel HƏSRƏT 09 oktyabr 2001-ci ildə Bakı şəhərində anadan olub. 2018-ci ildə Bakıdakı 204 saylı tam orta məktəbi bitirib, eyni ildə universitetə qəbul olunub. 4 illik bakalavr təhsilini başa vurduqdan sonra, 2022-2024-cü illərdə Türkiyənin Eskişehir Osmangazi Universitetində MBA ixtisası üzrə təhsil alıb. 2014-2024-cü illər aralığında Canlı Aləmin Mühafizəsi Alyansı, Azərbaycan Tələbə Gənclər Təşkilatları İttifaqı, Bakı Gənclər Mərkəzi, ASAN xidmət, COP 29-da həm könüllülük fəaliyyəti ilə məşğul olub, həm də praktika keçib. İngilis, rus və türk dillərini bilir. Müxtəlif beynəlxalq tədbirlərdə tərcüməçiliklə də məşğul olub.

Yazarın başqa yazıları: Aysel Həsrət

Bölmənin başqa yazıları: GÜNEY AZƏRBAYCANGÜNEY AZƏRBAYCAN bölməsinin başqa yazıları »