BAYRAQDAR MEDİA – Moskva Dövlət Psixoloji-Pedaqoji Universiteti Etnopsixologiya və polimədəni təhsilin psixoloji problemləri kafedrasının müdiri, Dos. Olqa Pavlova tərəfindən Azərbaycan İlahiyyat İnstitutunun (Aİİ) tələbələri üçün mühazirə keçirilib.
Bu haqda xəbər BAYRAQDAR MEDİA-ya Aİİ-nin mətbuat xidmətindən daxil olub.
Xəbərdə qeyd olunur ki, “Aİİ-də təşkil olunmuş müharizədə Aİİ İlahiyyat fakültəsinin dekanı, Dos. Elnurə Əzizova tədbir iştirakçılarını səmimi salamladıqdan sonra, qonağa təşəkkürünü bildirib. Dekan silsilə mühazirələrin tələbələrin dünyagörüşlərinə, təhsillərinə müsbət təsir göstərəcəyini qeyd edib, onlara uğurlar diləyib”.
Sonra xəbərdə deyilir ki, “O.Pavlova “İslam psixologiyası: tarixi mənbələri və müasir tendensiyalar” mövzusunda məruzə ilə çıxış edib. O, əvvəlcə psixologiyanın mahiyyətihaqqında məlumat verib. Daha sonra islam psixologiyasının əhəmiyyəti, meydanagəlmə mərhələsi barədə bəhs edib. Həmçinin İslam psixologiyasının əsasını qoyan şəxslər və onun müasir dövrdəki vəziyyəti barədə danışıb”
Xəbərdə həmçinin, “mühazirə qarşılıqlı müzakirələrlə keçib. Məlumat üçün bildirək ki, İnstitut xarici ölkələrin ali təhsil müəssisələri ilə əlaqələrinin genişləndirilməsi, elm və təhsil sahəsində beynəlxalq təcrübənin öyrənilməsi, həmçinin müəllim və tələbə mübadiləsi proqramlarının reallaşdırılması istiqamətində müxtəlif tədbirlər təşkil edir, tələbələrin dünyagörüşlərinin artırılması və inkişafı istiqamətində mütəmadi olaraq mühazirə, seminar və təlimlər həyata keçirir” deyə bildirilir.
İlk şərhi yaza bilərsiniz