Fəalı ETTELAAT idarəsinə çağırıblar

Yazar: Aysel Həsrət. Tarix: 27 Yanvar 2025 11:24

Vahid Əbhəri

BAYRAQDAR MEDİA – Təbrizdə yaşayan Güney Azərbaycanlı cəmiyyət fəalı Vəhid Əbhəri ETTELAAT (Təhlükəsizlik və Kəşfiyyat) İdarəsinə çağırılıb.

Xəbəri “Azad İran” Telegram kanalı Güney Azərbaycan Demokratik Türk Birliyinə istinadla yayıb.

Xəbərə əsasən, ETTELAAT idarəsinin əməkdaşı yanvarın 25-də V.Əbhəriyə zəng edərək onun qeyd olunan idarəyə getməsini tələb edib. Çağırışın səbəbi barədə Güney Azərbaycanlı fəala açıqlama verilməyib.

Qeyd edək ki, 2024-cü il noyabrın 23-də həbs edilərək ETTELAAT Nazirliyinn yerli istintaq təcridxanasına aparılan V.Əbhəri, noyabrn 28-də Təbriz həbsxanasına köçürülüb və dekabrın 3-də 200 milyon tümən (475 dollar) girov qarşılığında zaminə buraxılıb. O, bundan əvvəl də mədəni fəaliyyətlərinə görə bir neçə dəfə həbs edilib.

Bölmə: GÜNEY AZƏRBAYCAN

Aysel Həsrət

BAYRAQDAR MEDİA-nın inzibatçı-müxbiri Aysel HƏSRƏT 09 oktyabr 2001-ci ildə Bakı şəhərində anadan olub. 2018-ci ildə Bakıdakı 204 saylı tam orta məktəbi bitirib, eyni ildə universitetə qəbul olunub. 4 illik bakalavr təhsilini başa vurduqdan sonra, 2022-2024-cü illərdə Türkiyənin Eskişehir Osmangazi Universitetində MBA ixtisası üzrə təhsil alıb. 2014-2024-cü illər aralığında Canlı Aləmin Mühafizəsi Alyansı, Azərbaycan Tələbə Gənclər Təşkilatları İttifaqı, Bakı Gənclər Mərkəzi, ASAN xidmət, COP 29-da həm könüllülük fəaliyyəti ilə məşğul olub, həm də praktika keçib. İngilis, rus və türk dillərini bilir. Müxtəlif beynəlxalq tədbirlərdə tərcüməçiliklə də məşğul olub.

Yazarın başqa yazıları: Aysel Həsrət

Bölmənin başqa yazıları: GÜNEY AZƏRBAYCANGÜNEY AZƏRBAYCAN bölməsinin başqa yazıları »