Kompleksini ziyarət edənlərin 88 faizini əcnəbilər təşkil edib
BAYRAQDAR MEDİA – 13 iyun 2024-cü il tarixindən yerli və xarici turistlərin istifadəsinə verilən Palçıq Vulkanları Turizm Kompleksini ziyarət edən 22 min 352 nəfərin 88 faizini əcnəbilər təşkil edib.
Bu barədə BAYRAQDAR MEDİA-ya Dövlət Turizm Agentliyindən məlumat verilib.
Məlumata görə, kompleks 2024-cü ildə bilet satışından 310 min 829 manat vəsait əldə edib: “Bundan da 47 min 414 manatı ƏDV olaraq dövlət büdcəsinə ödənilib”.
Məlumatda o da qeyd edilib ki, Dövlət Turizm Agentliyinin tabeliyindəki qoruq və muzeylərə giriş qiymətləri yerli vətəndaşlar üçün 2 manat (Palçıq Vulkanları Turizm Kompleksində 5 manat), tələbələr üçün 1 manat (Palçıq Vulkanları Turizm Kompleksində 3 manat) təşkil edir. Xarici vətəndaşlar üçün qiymət 5-15 manat arasında dəyişir.
Vurğulanıb ki, ziyarətçilərin rahatlığının və bilet satışının effektivliyinin təmin edilməsi üçün biletlərin satışı kompleks, qoruq və muzeylərdə olan müvafiq kassalarla yanaşı, iticket.az onlayn platforması üzərindən də həyata keçirilir.
İlk şərhi yaza bilərsiniz