BAYRAQDAR MEDİA – “MÜSİAD Azərbaycan”ın Təhsil və Mədəniyyət Komissiyamızın təşkilatçılığı, Azərbaycan Dövlət İqtisad Universiteti UNEC-in tərəfdaşlığı ilə “İdarəetmə psixologiyası” mövzusunda seminar keçirilib.
Bu barədə BAYRAQDAR MEDİA-ya “MÜSİAD Azərbaycan”dan məlumat verilib.
Bildirilib ki, “seminarın təlimçisi UNEC Ömürboyu Təhsil Mərkəzinin təlimçisi, klinik psixoloq, psixoterapevt, montessori-terapevt və psixoanalitik-biznes konsultantı Bəyim Babayeva olub. Təlimin məqsədi iştirakçılara idarəetmə psixologiyasının elmi əsaslarını və psixoanaliz metodlarını təqdim edərək onların liderlik, qərar qəbuletmə və təşkilati münasibətləri anlama bacarıqlarını inkişaf etdirməkdən ibarət olub”.
Məlumata görə, seminar zamanı iştirakçılara idarəetmə psixologiyası sahəsində yeni biliklər qazandırılıb: “Həmçinin onların liderlik, qərar qəbuletmə və təşkilati münasibətlər sahəsində daha dərindən anlayışlar əldə etmələri təmin olunub. Seminarın sonunda iştirakçılara mövzu ilə bağlı sual-cavab sessiyası təşkil edilib. Tədbir iştirakçılar tərəfindən yüksək qiymətləndirilib”.
İlk şərhi yaza bilərsiniz