Denizli istehsalı olan dəsmal Ağ Evdə
BAYRAQDAR MEDİA – ABŞ-ın yeni prezidenti seçilən Donald Trampın ailəsinin yeni dövrdə istifadə edəcəyi rəsmi loqolu dəsmallar Türkiyənin ev tekstil mərkəzi olan Denizlidə istehsal edilib.
Bu barədə denizli24haber.com saytı məlumat yayıb.
Məlumata görə, Denizlinin qabaqcıl şirkətlərindən biri olan Zorel Tekstil tərəfindən istehsal edilən dəsmallar Almaniyada keçirilən dünyanın əhəmiyyətli ev tekstili sərgilərindən biri olan Heimtextil Sərgisində təqdim edilib: “Ağ Ev üçün xüsusi dizayn edilmiş və istehsal edilən bu dəsmalların ABŞ-a göndəriləcəyi öyrənilib. Zorel Tekstilin İxrac və Marketinq Meneceri Veysel Akçay bu layihəni Türkiyə və Dənizli üçün böyük prestij kimi qiymətləndirib. O, “Donald Trampın Ağ Evdə istifadə edəcəyi dəsmalları Denizlidə istehsal etdik. Dəsmallar xüsusi olaraq Ağ Evin rəsmi emblemi ilə dizayn edilib. Heimtextil Sərgisində bu layihə ilə böyük diqqət çəkdik. Trampın otel sənayesindəki tarixini nəzərə alaraq ümid edirik ki, bu əməkdaşlıq onun otelləri üçün sifarişlərlə davam edəcək” deyib”.
İlk şərhi yaza bilərsiniz