BAYRAQDAR MEDİA – “Times Higher Education” (THE) reytinq təşkilatı 2025-ci il üçün dünyanın ən nüfuzlu ali təhsil müssəsisələrinin ixtisaslar üzrə reytinq siyahısını açıqlayıb.
Bu haqda xəbər BAYRAQDAR MEDİA-ya Bakı Dövlət Universitetinin (BDU) mətbuat xidmətindən daxil olub.
Xəbərdə bildirilir ki, “reytinq nəticələrinə əsasən, BDU yer aldığı kateqoriyaların sayına və mövqeyinə görə Azərbaycanda lider mövqeyini qorumaqda davam edir. Belə ki, BDU fiziki elmlər (fizika, kimya, geologiya, astronomiya, riyaziyyat və s.) sahəsində 1001+ mövqeyində yer alaraq, Azərbaycanda bu kateqoriya üzrə reytinqə daxil olan yeganə ali təhsil müəssisəsi olub. Həmçinin, mühəndislik elmləri (kimya mühəndisliyi, geologiya mühəndisliyi, hidrogeologiya mühəndisliyi, geofizika mühəndisliyi və s.) sahəsində 1001-1250-ci mövqedə qərarlaşaraq, bu kateqoriya üzrə reytinqdə ölkədə lider mövqeyini möhkəmləndirib”.
Daha sonra xəbərdə, “ümumilikdə BDU-nun qiymətləndirmə nəticələri əvvəlki illə müqayisədə fiziki elmlər sahəsində 10 faiz, mühəndislik elmləri sahəsində isə 14 faiz artıb. Məlumat üçün qeyd edək ki, nüfuzlu THE təşkilatının əsas fəaliyyət istiqamətlərindən biri dünyanın ali təhsil müəssisələrinin və ixtisaslarının reytinqini tərtib etmək və universitetlərin reytinqinin yüksəldilməsi üçün tövsiyələr verməkdir. Universitetlərin reytinq nəticələri tədris keyfiyyəti, elmi-tədqiqat fəaliyyəti, istinad indeksi, beynəlxalq reputasiya, sənaye gəlirləri və digər meyarlar əsasında müəyyən edilir” deyə qeyd olunur.
İlk şərhi yaza bilərsiniz