İran bir ayda 107 nəfəri edam edib

Yazar: Aysel Həsrət. Tarix: 21 Yanvar 2025 10:29

BAYRAQDAR MEDİA – 2024-cü il dekabrın 20-dən 2025-ci il yanvarın 20-dək İranın müxtəlif zindanlarında ən azı 107 nəfər dar ağacından asılıb.

Xəbəri “Azad İran” Telegram kanalı “İran İnternational”a istinadla yayımlayıb.

Bildirilib ki, hər gün orta hesabla dörd nəfər asılaraq öldürülür. Yeni ilin ilk günündə ən azı 18 məhbusun qətl və narkotik qaçaqmalçılığında ittiham edilərək ölüm hökmünün həyata keçirildiyi vurğulanıb. Daha 10 nəfər barəsində də edam hökmü çıxarılıb.

Xatırladaq ki, ötən il İran həbsxanalarında 31 qadının da edam edilməsi son 14 ildə qadınlara verilən ən yüksək ölüm hökmü olub.

Bölmə: DÜNYA

Aysel Həsrət

BAYRAQDAR MEDİA-nın inzibatçı-müxbiri Aysel HƏSRƏT 09 oktyabr 2001-ci ildə Bakı şəhərində anadan olub. 2018-ci ildə Bakıdakı 204 saylı tam orta məktəbi bitirib, eyni ildə universitetə qəbul olunub. 4 illik bakalavr təhsilini başa vurduqdan sonra, 2022-2024-cü illərdə Türkiyənin Eskişehir Osmangazi Universitetində MBA ixtisası üzrə təhsil alıb. 2014-2024-cü illər aralığında Canlı Aləmin Mühafizəsi Alyansı, Azərbaycan Tələbə Gənclər Təşkilatları İttifaqı, Bakı Gənclər Mərkəzi, ASAN xidmət, COP 29-da həm könüllülük fəaliyyəti ilə məşğul olub, həm də praktika keçib. İngilis, rus və türk dillərini bilir. Müxtəlif beynəlxalq tədbirlərdə tərcüməçiliklə də məşğul olub.

Yazarın başqa yazıları: Aysel Həsrət

Bölmənin başqa yazıları: DÜNYADÜNYA bölməsinin başqa yazıları »