BAYRAQDAR MEDİA – Azərbaycan Milli Elmlər Akademiyası (AMEA) Mərkəzi Elmi Kitabxanasının (MEK) tərtibatında “Azərbaycanın Milli parkları, təbiət qoruqları və yasaqlıqları” soraq-biblioqrafik məlumat kitabı çapdan çıxıb.
Bu haqda xəbər BAYRAQDAR MEDİA-ya MEK-dən daxil olub.
Xəbərdə bildirilir ki, “Prezident İlham Əliyevin Azərbaycanda 2024-cü ili “Yaşıl dünya naminə həmrəylik ili” elan etməsilə əlaqəli hazırlanan bu soraq-biblioqrafik məlumat kitabında 10 Milli Park, 10 təbiət qoruğu, 24 dövlət təbiət yasaqlığı haqqında müfəssəl məlumat verilib, haqlarında olan ədəbiyyatların qısa biblioqrafiyası da tərtib edilib. Məlumat nəşrinin hazırlanması zamanı seçmə prinsipi əsas götürülərək biblioqrafik mənbələr toplanaraq sistemləşdirilib”.
Bildirək ki, nəşrin elmi redaktoru MEK-in direktoru, texnika elmləri doktoru, Dos. Hüseyn Hüseynov, tərtibçisi direktor müavini, filologiya üzrə fəlsəfə doktoru, Dos. Şəhla Tahirqızı, rəyçisi Dos. Afiq Məmmədov, ixtisas redaktoru isə Biblioqrafiya şöbəsinin əməkdaşı Rəna Cavadovadır.
Mütəxəssislər, eləcə də geniş oxucu kütləsi üçün nəzərdə tutulmuş soraq-biblioqrafik məlumat kitabının ön sözünün müəllifi AMEA-nın vitse prezidenti, AR ETN Molekulyar Biologiya və Biotexnologiyalar İnstitutunun baş direktoru, akademik İradə Hüseynovadır.
İlk şərhi yaza bilərsiniz