BAYRAQDAR MEDİA – Azərbaycan Milli Elmlər Akademiyasının (AMEA) Mərkəzi Elmi Kitabxanasında (MEK) yer alan kitablardan biri də şair, publisist, Əməkdar jurnalist Tahir Talıblının “Əziz Əliyev. Dövrü, həyatı, şəxsiyyəti” nəşridir.
Kitab görkəmli şəxsiyyət Əziz Əliyev haqqındadır. Onun qədim türk şəhəri İrəvandakı təhsil illəri, Naxçıvan, Peterburq dövrü, İrandakı ordu həyatı, müharibə illərində Dağıstan Muxtar Respublikasına rəhbərliyi, Azərbaycan səhiyyəsindəki nəhəng fəaliyyəti və s. kitabın maraqla oxunan səhifələridir.
Nəşrdə “Soy kökümüzün işığında”, “İrəvan mühiti”, “Didərginlik”, “Fədakar alim”, “Dar günlərin dayağı”, “Arayış” və s. başlıqlarda yazılara yer verilib. Həmçinin kitabın “Əziz Əliyevin müasirləri” hissəsində “Mustafa Topçubaşov”, “Mirəsədulla Mirqasımov”, “Heydər Hüseynov”, “Yusif Məmmədəliyev”, “Həsən Əliyev”, “Tamerlan Əliyev”, “Zərifə Əliyeva”, “Gülarə Əliyeva”, “Cəmil Əliyev”, “Ləzifə Əliyeva”, “Dilbər Məmmədova” haqqında məlumat var.
Qeyd edək ki, kitabın baş redaktoru Səfalı Nəzərli, redaktoru isə Nəzakət İsmayılovadır.
İlk şərhi yaza bilərsiniz