Prezident Tehranın inkişaf imkanının olmadığını bildirdi

Yazar: Aysel Həsrət. Tarix: 9 Yanvar 2025 10:14

BAYRAQDAR MEDİA – Yanvarın 8-də ölkənin müxtəlif və çoxsaylı problemlərinə toxunan İran Prezidenti Məsud Pezeşkian İslam Respublikasının indiki inkişafının yanlış prosesinin tez bir zamanda düzgün proseslə əvəz edilməsinin vacibliyini bildirərək deyib: “Biz ölkənin akademik kadrlarından bu istiqamətdə ən uğurlu yardımı istəməliyik”.

Xəbəri “Azad İran” Telegram kanalı ISNA-ya istinadla yayımlayıb.

Bildirilib ki, İran Prezidentinin sözlərinə görə, Tehranın artıq inkişaf etmək imkanı yoxdur. Eyni zamanda, ölkədə orta elektrik enerjisi və qaz istehlakı çox yüksəkdir. M.Pezeşkian İranda müəllimlərin vəziyyətindən də söz açaraq deyib: “Çalışacağıq ki, müəllimlərin yaşayış problemlərini, xüsusilə də mənzil çətinliklərini həll edək”.

Bölmə: DÜNYA

Aysel Həsrət

BAYRAQDAR MEDİA-nın inzibatçı-müxbiri Aysel HƏSRƏT 09 oktyabr 2001-ci ildə Bakı şəhərində anadan olub. 2018-ci ildə Bakıdakı 204 saylı tam orta məktəbi bitirib, eyni ildə universitetə qəbul olunub. 4 illik bakalavr təhsilini başa vurduqdan sonra, 2022-2024-cü illərdə Türkiyənin Eskişehir Osmangazi Universitetində MBA ixtisası üzrə təhsil alıb. 2014-2024-cü illər aralığında Canlı Aləmin Mühafizəsi Alyansı, Azərbaycan Tələbə Gənclər Təşkilatları İttifaqı, Bakı Gənclər Mərkəzi, ASAN xidmət, COP 29-da həm könüllülük fəaliyyəti ilə məşğul olub, həm də praktika keçib. İngilis, rus və türk dillərini bilir. Müxtəlif beynəlxalq tədbirlərdə tərcüməçiliklə də məşğul olub.

Yazarın başqa yazıları: Aysel Həsrət

Bölmənin başqa yazıları: DÜNYADÜNYA bölməsinin başqa yazıları »