BAYRAQDAR MEDİA – Kıbrıs Türk Jurnalistlər Birliyi (KTGB) ilə Arkın Yaradıcılıq İncəsənət və Dizayn Universiteti (ARUCAD) arasında əməkdaşlıq protokolu imzalanıb.
Bu barədə giynikgazetesi.com saytı məlumat yayıb.
Bildirilib ki, “Jurnalistlər Birliyindən verilən məlumata görə, protokolu Kıbrıs Türk Jurnalistlər Birliyinin sədri Efdal Keser və Arkın Yaradıcılıq İncəsənət və Dizayn Universitetinin rektoru, professor Doktor Asım Vehbi imzalayıblar. Protokolun məqsədi hər iki qurum arasında ikitərəfli əlaqələri yaxşılaşdırmaq, elmi, sosial və təhsil sahələrində məlumat və təcrübə mübadiləsi aparmaqdır”.
Məlumata görə, imzalanan protokolla KTGB və ARUCAD birgə tədqiqatlar aparacaq, əməkdaşlıq imkanlarını artıracaq: “Həmçinin KTGB üzvləri ilə ARUCAD personalı arasında peşəkar, inzibati və təhsil sahələrində yardım siyasəti həyata keçiriləcək. İmzalanma mərasimindəki çıxışında KTGB sədri Efdal Keser jurnalistlərin özlərini təkmilləşdirərkən peşəyə namizəd olanlara istiqamət verməsinin vacib olduğunu bildirib. O, imzalanan protokolun məqsədinin də bunu ehtiva etdiyinə diqqət çəkib. ARUCAD rektoru Asım Vehbi də media sahəsində maraqlı tərəflər arasında əməkdaşlığın vacibliyinə diqqət çəkib. Rektor qeyd edib ki, sözügedən protokolla bir universitet olaraq Kıbrıs Türk Jurnalistlər Birliyindən faydalanarkən, Birlik üzvlərinin də Universitetdən faydalanmasına icazə verilir”.
Məlumatda deyilir ki, Universitetdə tələbələrin karyeraya hazır olmasının vacib olduğunu söyləyən professor Dr. Asım Vehbi də təcrübənin zəruriliyinə işarə edərək, protokol və Jurnalistlər Birliyinin töhfələri ilə bu boşluğun aradan qaldırılacağına inandığını bildirib.
İlk şərhi yaza bilərsiniz