BAYRAQDAR MEDİA – Azərbaycan İlahiyyat İnstitutunda (Aİİ) 2024/2025-ci tədris ilinin bakalavriat və magistratura səviyyələri üzrə payız semestrinin qış imtahan sessiyası başlayıb.
Bu haqda xəbər BAYRAQDAR MEDİA-ya Aİİ-nin mətbuat xidmətindən daxil olub.
Xəbərdə qeyd edilir ki, “beş həftə davam edəcək sessiya təsdiq edilmiş imtahan cədvəlinə uyğun olaraq iki növbədə təşkil olunub. Bakalavriat səviyyəsində 24 qrup üzrə 50 fəndən, magistratura səviyyəsində isə 5 qrup üzrə 27 fəndən imtahan keçiriləcək. İmtahanlar yazılı, zəruri hallarda isə şifahi formada baş tutacaq”.
Sonra xəbərdə, “imtahan sessiyasının mövcud qaydalara uyğun təşkil edilməsi, tələbələrin biliklərinin qiymətləndirilməsində şəffaflığın və obyektivliyin tam təmin olunması məqsədi ilə ali təhsil müəssisəsində Qərargah və onun nəzdində Apellyasiya Komissiyası yaradılıb” deyə bildirilir.
İlk şərhi yaza bilərsiniz